Ibgoro nbgeb

1 Igara ti ibeh sheng atu ara , ikak ukornibal ibala ba jol ngor Cana ngor Galilee, nyen Jeesu jolor nghor. 2 Jesu ne ba tuntulor beh mbor tagah mbor ikak. 3 Igara nti amum ibeba mal, nyen Jesu mba bong neneh, amum mbor imal. 4 JEsu ba bong nene, nenkal nan iwedor abalor ba top meh? igara tama ika waga ri." 5 nyen ba bong ne ba tontonor beh, ijom jendegejendegeh abongho laim wun. 6 ngha ijolor atal arara, nya arong alep ikonor, nya mbor yolor kor laim ibene nghor ndege ijewish, njereng iyol joor rey imitre bal afi ira . 7 Jesu ba bong nebor kak wun alep ngor arong nyagor iror mbor ba kak iror ba rengor ayor ye. 8 Aba tak, ba bree ikak tap wun andege yege hogor wu n kor jika nfonor ikak, nogor mbor lomor. 9 Nekol ikok, ba youngho alep ma beh sharey amem, akunum idi ji ijokor bar ba rogitom ba itrew alep fonor iyinyi idi iyoror, ngah aba kok ba kornor ibal. 10 Aba bong nene fel nne mbor ka atentenghe amum ngor ngbor mbarr nogor mbor kum bak magor,ngor igara nti iber bor fu. Wor abong annop amum tete ba re ngha ntega 11 Mgbor barr iyonor Jesu laime ngor Canan njor Galitee. arebeh atunor yeh ba tunulor be itama arebeh nkong ne nyor areror. 12 igara nti nta ebe mal, Jesu , ne nyeng ne agbayeng ne ba tuntole beh iba fun ngor Capernaum mbor jollor ngor abon atu teke. 13 Ngha ika passover ijews jolor ikpedekped, Jesu ba tum ngor Jeruselsm. 14 Aba yeng ane mer goro ufong ne ujoro ne adubenye ngor itaba Ishor, fefene ba yangha kobo iba bemer ngho. 15 Aba laim itete na nnege ba ferebor fenyge kam bor yege ,bodo ne ujoro ne agodobia arada akobo nya mbor yolor-yor yorgha, afenghe shem akpokoro bor worrogor. 16 Ka ba guro adogbenye, aba bong, "tap wun abodo nya shaga idi-jah, ka wun kpe laim itek papa jamaitaba are. 17 Ba tontule beh iba boror mber, nor yor iyornor boom, "mbe atunor nya ngor itaba ja iba me lege." 18 Ngor anep atunor Jews iba bong nene, "ba nkpe iynor aba wurr tebe nji amer laim abaga nyanyha"? 19 Jesu ba fanyha, "war-wun itaba nja, ngor atu ara mba juru yhor. 20 Anep ijews iba bong, "itaba ja mbor tobor ngor nda atel- abal ne nda irara" wor aba taba yemme ngor atu ara?. 21 Ngha ayol bong gum itaba ngomji yeh. 22 Igara nti ayemor ngor iku ba tuntule iba borror be abong ijom ja mbor ba tema alom ye. ne ikekele ji akemor. 23 Ngha ijara nti ijolor ngor Ijeruselem ngor ikak passover, feb itama ngor mbeng ye, igaran-ti mbor yenor akpede nya atabor. 24 Jesu te kem feghe nenterr kabor tep ne nal ayelle bor wa toror kae gara na nne. 25 Tep ne nan ayeyi ijom ji iyobor ngor nne.