Ikpak 19

1 Ngha Pilate ba tep Jesus ji fenghe ntete. 2 Ishoja iba tem ikpo ajo nghor, mbor ba kak ngor Ishor Jesu mbor bar loger ngobji ne mbomor iben. 3 Mbor yor ba tober ba bong, tek wun Ntol ijews, ngha mbor ba romer. 4 Ngha Pilates kpe ba jok ngor itela ba bong nebor, bree mer kpi le kogor jok ngho itela bakor wun-iyor ji wun ba konor na mer kabor ti nyen ibebe nji aber liam, 5 Jesu ba jok na aber kukgor ikpor oyonshor ne mbonor iben, Pilates ba bong nebor, Bree ngha ne-non fornor yor. 6 Ngha igare nta Ntol udem ne ba liem ifangha iber nyen Jesu, mbor ba rerr ba bong, yolo wun yole won; Pilates ba bong nebor, "tep beh wun bafornor won yelo, tep ner meh nka nyen ilom ntendegedege ngor ngobji ye 7 Anep Jews iba fanghe wor ukpe ibene, gara nghor ngor ibree ntor ategeba ikogor, tebe nenan ataba ijibe ber na Mon-Ishor, 8 Igara nti Pilate ba lor ba yoke ilom nta ikpe ba fon ubol ngor item na dol. 9 Igara nti abalor yel ngor itek utol nji akpe ba bong ne Jesu, ngana wor ayoro? ngha Jesu kalemer nfangha. 10 Pilates ba bong nenek " Wor anumor kpe bong nemama? Wor ayem wor beh mer kpekpe ikor nogor nyega ne ikor ti mal ya yolor? 11 Jesu ba fenghe, Wor akpen ikor yolor ntendegdedege ngha ngobji yama, shanghe nti bor ba ka ngor iborr, tep ne wer ji ber fenghe ne nama ka ber laim ikporonibebag" 12 Ngha nfanghe nyi Pilates shep nogor ayege, ane bi Jews iba or ba bong, Wor ayegor nenom nya yaga abor wor ntam Ceasar shap. Nne-ndegedege nyor liamor iji ber Ntol kpi bong gom Caesar. 13 Igara nti Pilates yogor ilom timgha aba yege Jesu jok ba bemer ngor ite ilam ngor idi mbor kok ne pavement, ngor mbongho Arabic mbor kok ner Gabbatha. 14 Ngha ijolor ufunfo ulogo-ngobji sher ikag udugor alon, igara nti ber re igara-nkaranka ira-ra. Pilates ba bong ne anep Jews ,Bree nya ntol wener yor. 15 Mbor bar rar joke, shong nener, shong nener, yoller, Pilates ba bong nebor mer Ntol wneh? Ntol udem ba fangha wurr ukpem Ntol shenghe Ceasar. 16 Ngha Pilates ba fenghe Jesu ka bor mber mbor yoler 17 Mbor ba tap Jesu, fefene aba jok ba shol ijar te nji shegor ntem wer fornor ji ngor idi mbor kok ner idi akub, ngor ilom Arabic mbor kok ner Golotha. 18 Mbor ba yol Jesu ngho ngor neneh anep lom bagor abal, wer ngor ugbangha mbogor, wega ugbamgha mbega ne wer fonnor ngor itemtege. 19 Pilates kpel nyor nor ijom jendege laga ngho iborr ijarr te nji ishegor ntem, ngho ibala nyon "JESU NJI NGOR NAZARETH, NTOL ANEP JEWS. 20 Anep Jews feb-feb ikok ayornor nya tep ner-nan idi mbor konnor Jesu ijolor njor kulor igboro igboro bor, Ayonor fornor ijolor ngor nyob Arabic ne Latin ne ngor Greek. 21 Ngha Ntoludem Jews bong ne Pilates ka yon beh NtolJews tep ne wer angha mer Ntol Jews. 22 Pilates fangha, Nti meh beh nyon iber nyon. 23 Igara nti ishoja ber ba lon yol Jesu mor ba ta awuror yer, ba bak atem ngor ijar ini ka fel mme, fefene ne akpada yer nya ika funor ngbaga, tap ngor ijar jereng kpep ngor iborr. 24 Ngha mbor ba bong ka atem, uti won feleh yarr nogor ulop raw akpagi fa, nogor ikor tep ne nyor nji alom iba konor nya ibongho mbor kag awurar yama ka atem, fenghe ror akpagi-ifa ngor abod yama, m-m ntati ishoja ilamor. 25 Ngha yemor ngho ugbanghe ijar te nji shenghor ntem ijolon nyen ngbayen nyen nyor nekal, Mary nkal Clopas ne mary magdaline. 26 Igara ti Jesu balor ba yen nyen ne bar rogitom mbor ba akpelor ikor bor iyemor koller, abomg ka nyen "Nekal yen moner!" 27 Ngha aba bong ne ba tuntulor ber bree wun uyuwener kpep ngho igara ntor ba tuntulor ishoro tap ber tum ibugor je 28 Igara nti ta ibeh jol ngho nyege nyi na ntendegedege iber kon iyor fefene alom iber kon, Jesus bong mer alep imeh korr. 29 Ikponkpong iroror ne amangmang amem ikono ngho. Ngha mbor ba ka anumugor nshop nya iroror me amamgmeng amem ne akumte ngor itete fenghe yeb rjorror ji ka ge nyor. 30 Igara ti Jesu ber ba kor amangmany amem aba "i ber mal" Agul ishi je shoro ka ufu ber. 31 Ngha anep Jew tep ne ijolor ufufu bi mor mer loge ngoji ne fefene iyor nji ngoji ti ba shaga ngor ijar te nji ishagor ntem ngor igara sabbath (tep ne isabbal iforni ifan) bep Pilates nogor abun ber agbada nogor a yege bor, 32 Ngha ishoja iba, ba bun agbada ngbor mbarr nenom ne nya igbobolo nenom wer nji mbor komer ne Jesu. 33 Igara ti mbor balor ngor idi Jesu, mbor yen ber abe kpor, mbor kpem mer bun agbada. 34 Ijolor nor ne ishoja nwereng lomer ugbangha ne ikong, nyor idulor dulor alone ne alep iba jok. 35 Neyor nyenor ntingha ber torror gara, fefene ntorror gara yer itembaga ga-ji ayeji ber ti wer bongho itembaga ji, iyor ji wun fefene wun ba-ba tama. 36 Abaga nya ijolor nogor alom ikorn, jol ikup je nwereng inem tega burn. 37 Fefene alom nyagor ikpe bong, mbor yeber bree wer nji nshoja iber jum. 38 Igara ti nyauagha ibe jol Joseph Arimathea, ngor na ajolor ntuntulor Jesu (yol jolor ukpulor-kpulor tep ne ubal Jews) beb Pilates njolor amal ba ta tum ngobji Jesu. Pilates ba ka ikor, Joesoh ba, ba tap ngobji tum. 39 Nicholdemus fefene ba wer nji ngor ngbor mbarr ber tor ba ngo iti Jesu ne atu, akolor asum-sumor myrrh aloes ne ilitras adel-aron 40 Mbor ba tab ngoji Jesu ba gbor ngor abemor kporong ne ajor yer ngho ijolor ibener Jews ti nogor mbor yor kpa agoji kak. 41 Ngha ngor idi mbor komor Jesus ngho iga ijolor ngho, ngho iga njor ulem nfenfe ijolo ngho mbi nene mbor ka ber ka. 42 Tep nenan ijolor ufonfu ulogoji Jews, fefene ulem ijolor ikpede-kpede, mbor kag jesu ngho.