IKPAK 20

1 "Igara ti Jesu bong alom nya, ajok ne ba tuntolor beh tum ngor ugbangha nkpah kidron, ngor ide igar ijolor ji weh boneh ba funfulor beh iyelor. 2 Ngha tega Judas wer ji yeber goro fefene yeyi idi fonor tep ne Jesu yor komi jolor ngho ne ba tundlolor beh. 3 Ngha Judas ba tap mbarr ne ijom ishoja, ne ane bendege ba iyolor lam ifangha ngor idi ntol udem ne pharrisees, ijele ne atrakan, amolor ne agone. 4 Ngha Jesu wur nyelor ntendegedege ti mer jol nene gen tum mbok ji beb bor, "Nyonor won mer jang? 5 Mbor ka fangha "Jesu yi ngor Nazarus Jesu ba bong ne bor, "mer yoi" Judas wer ji kore fefene ba yeme ngho ne ashoja. 6 Ngha igara ti abongho nobor, "mer yor" mbor ba fenghe njenyem ji gbor ngor ndege. 7 Ngha fefene akpe bor beb "Nyornor wun mer jang? "Ngha bor kpe bong jesu Nyi gor Nazareth" 8 Jesu ba fanghe mer bu won tak mener meryor, nteya njolor wun memer jang nogor nta ishong". 9 Nta ijolor nogor ikor kun alom nya ibongho "Njor mba abemer mer ntanem nyondegedege" 10 Ngha Simon Peter wer ji fornor ujeh, trurr yeger rum rogitom derr fenghe kem utong ubob lom ber, ntega beng nrogitom fornor mbor koge ne makhus. 11 Jesu ba bong ne Peter fenghe ne ujeh 12 Ngha ijom ishya, ne nekol bor, ne akep ifangha Jew ba tara Jesu ba gbayes. 13 Mbor ba fele ngor ngbor mbarr tun ngor di Annas tep ne nan ayolor nnar Caiaphas, we jolor ntol ngho ira ntor. 14 Ntega Caiaphas yor jolor ne nyor yolor ka wege ka Jew ber ba nobor nogor ne werey kpor ka anne. 15 Simon Peter tonor Jesu fefene ntem atontulor, ngha ntontulor were nyege jolor ngor idi ntol, ngho ayelor ngor ne Jesu ngor ateng idi lamlam ntol. 16 Peter ngha yeme ga mbo nya itegela fefene ba tuntolor bagor ba ntol yelor bor, ba joke yor ji bong ne ngomo mbo, ba kor Peter kak ateng. 17 Ngha nekal nrogitom nyor yolor gom mbo ba bong ne Peter wor ashumun igom ba tuntolor ne nom nya? "Aba bong mer shang" 18 Ngha ba rogitem ne ba leme ifanha iyeme ngho, igara ntor mbor be lam ngan nsherenshi, tep nenan idi mer nara, mbor yol yara ijibor Peter fefene iba jolor nebor yemor yor ba yoibor ngon. 19 Ntol ba beb Jesu gara ne ba tuntulor ber ne nkpele yer. 20 Jesu ba fanghe, "mer mbu bong na gbol ka nfarm. Mer njor igara ntendegedege yol kpele ngor ataber ndor ne ngor yala nyala ji Jew wa yor ba konashi. Mer yom bong ijom jour kukor. 21 Nan iwedor ahebor mer? Beb ba iber mer yok nti mbong. Bree ane bangha iyiyi ijom ji mbongho" 22 Igara ti Jesu ber mbonta, ne ifanghe werup were yemor ngho rom Jesu fenghe bong nor yor wor ayor fenghe ntol? 23 Jesu fenghe njolor ka bongho kon, toror gara na ika konnor afe jolor ikonor na nor iwedor aromoruer? 24 Ngha Annas tom, mer gbae tom tum ngor Caiaphes ntol. 25 Ngha Simon Peter yeme ngho yor yober bgon, ane fornor ikum ba bong nene, wor ashumom njor igom ba tuntulor ber? Aba tene fenghe bong, "mer shumum". 26 Nwereng ngor igom ka rogitom ntol were jolor ngbayen, nenom nyor utong ber Peter kemor ba bong, wor mer nyema ngor igar nene? 27 Ngha Peter kpe tene ngha idulidulor igom ane formor iba sherr. 28 Mbor ba yege Jesu ngoor idi caiaphas tum ngor idi item tem ite utol. Ijolor ne funfo pipp ngha mbor yelam ngor idi ite ntol ji nen, iyoi ji mbor ti ba bor jege iyor ji mbor mal bal lege ikak udugor alon. 29 Ngha pilate jok ji top bor ba bong ba kpe atoforon nya wun kpelor gara nya nenom nya? 30 Mbor ba fangha fenghe bong nene, njolor nenom ka reror lame abebak, wor ujolem ba fenghe nene ka 31 Pilate fenghe ba bong nebor taber wun ba fornor wun ji lamer gara ne ibene tene. Anep Jew iba bong nene, ibene shang ber wurr uti yol nendege. 32 Mbor bonghe tinsha iyor ji alom Jesu iba jop gara na abongho te iyornor nankok iku nyi aba kpogor 33 Ngha Pilate ba yel ngor item tem ite utol, kpe ba kok Jesu fenghe ba bong nene inor yor areror ntol Jews? 34 Jesu ba fenghe wor abongho ngor ngoji ya, afe nebayor ba ibongho ka gum mer? 35 Pilate ba fenghe mer Jew sheng, afe mer yor. Are ba ne ntol udem ba fenghor nena kame. Ba jom alamor? 36 Jesu ba fangha mer ikung jama irem ngha njam, ken ber ikung jama ishumum nfaum nya ba rogitom barua ijol ba inigoe iyor ji jol ti ba fenghe ner nama ka Jews. Ngho ntega ikung jama ngha irem. 37 Pilate kum kpe ba bong nene, wor ntol yi ngha tega, Jesu ba fangha wor yor aber bong wor ber mer ntol, shang ngha baga nja mer mbor mer bel, fefene ngba ibaga jai mer mbu ba ngha ngamn nogor mba toror gum item nendegedege nyor reror ka, item baga ba rangha aton ngor ilom tama. 38 Pilate ba bong nene ba jom ireror item baga? Igara-nti aber bong ta akpe ba jok tum ngor idi Jews, "yi bong nebor, mer ka nyen ilam tendegedege ngha ngoji nernom nya. 39 Ni won kpekpe ibene nti nyegor nedege yaga abor kawum ngor igara ikak alone ntega wun kpe sheber nogor nyege ntol Jew kawun? 40 Ngha bor ikper ba rerr jok ba bong, Nenom wer shap ijol Banabas". Ngha ntega Banabas jolor nkagafem.