1 Ngha iyolor ne ufunto ngor ngbogor mbarr ufunfor ngor irede, igaranti ijenghe ikpelor, ku Mary Madalene yonor ba ngor ulem aba nyen utal iber benghe sharga ulum. 2 Aba toboh ba ngor idi Simon Peter ne ba tontulor bagor, Jesu fornor iko bor, abah bong nebor, mbor yege adah shaga ullem, wor uyem idi bor ber kor ji nongho 3 Peter ne ba tuntolor bagor iba tum ngor idi ulum. 4 Mbor wa iba tobo ne atem ba tumtulor mbandege itobor shanghe Peter fenghe re ngol ulem gbor barr. 5 Na akumor ajeng mbabara mbomor yolor ngor ateng ayelem 6 Simon Peter ba rea tuner, ba shenghe yel ngor ateng ulum aba nyen ababara abomor inongho, 7 Ne abomor nya igbale ngho ishi, anonghe ner ababara abodo nya, ikpala wa joro nonghor neteng nyor idi njereng. 8 Ngha ba tuntfulor mba, wer nji gholor mbarr re nga ulem, fefene ba shang yel ji yen fenghe tama. 9 Ngho tete igara ntor bor tegem yi na alom abongho ber wen ba yemer jok itela. 10 Ba tuntulor beh ikpeh fenghe ba ngor itek. 11 Mary yemeh ngho id ulem yor fab-abibi, na areror. Aba remerji ngor idi ulem. 12 Aba yeng ba rogitom ishor ishi bal bemorgor kporong, wereng ngor ishi je, wegor ngor akpada, ngor idi ngoji ishor nongho. 13 Mbor bong nene, nenkal bajor amer rarr? Aba bong nebor, tep nenan mbor tap adah yama tum, mer nyem idi ji bor kageh. 14 igara ti abongho nta aba sheber yerr yeng Jesu yemor nghor arenghe ber Jesu yor. 15 Jesu ba bong nene nekal nah iwedor amer rarr? nyornor amer jeng? Atobor ber numor alep ngor abodo yor, aba bong nener. Ada njolor aber ta tum tak mer idi nji akole ji kak, men yeber taba tum" 16 Jesu bong nene "Mary" Aba sheber bong nene ngor Arabic Rabboni" Nkpekpele. 17 Jesu bong nene kamer lagah abor tep nerengha ntaga nka tum ngor idi ada, shongor idi ba ngbayem jama aji tak bor arer nya tum ngor idi nshuwama ne shuwonor fefene, ne ishor jama nr ishor jene" 18 Mary Magdalene, ba tark ba tuntulor beh ibu yeng ada abu bong na nenereh. 19 Ngor me igorr irede mbooh ibama ngor idi ba tuntulor iyorbor tep ne ubol anep bi Jews Jesu ba yemeh ngor iteng teng bor ba bong nebor, "Terrer ne nenener". 20 Igara nti abebong ntah aba tep bor abor yeh neh abangha yer ba tuntulor fornor iyere igara ti mbor nyenor ntol. 21 Jesu kpeh ba bong nebor "iterem ijonenene" na nshiwawa ber meh tum nor yor meh ba tum wun. 22 Igara ti Jesu be bong nta aba yor wurror bor fenghe ba bong nebor "kor wun innonop ufu" 23 Aner mbailamor ibebage wun bage bor mbor fun mbaga, ane mba ilemorabebage wunbomor njem mbor ba joor njem. 24 Thomas wer nji shumor ngor igom ba tuntulor wer mbor yolor koge ne Didymus, ajolem nebor igara nti Jesu balor. 25 Ba tumtulor mba gor iba bong tage, ubu yen adah abong ne bor shenghe ber mer nyeng nbor yer arok ntotunor fenghe kak aybor bor yama ngho mbeberre mer fenghe ka abor yana ngho agbang yer nem mal ba tama 26 Iber shang atu amegeni ba tuntulor ber ikpel yobor ngho ateng ngho Thomas jolor ngho nebor, Jesu ba igara nti abooh iber bam, ba yeme ngor igom bor ba bong "Terrer ijoinena. 27 Aba bong ne Thomas, re ngha ne uyogor bor fa nogor ayen abor yama, regha ner abor ya, nogor akak nya abanghe yama ka yor jpel ner yor katama jol ntatama. 28 Thomas ba fenghe bong na nene adah yama neh ishor Jamah. 29 Jesu ba bong nener tap nenan amer yeng aba tama, iya jol ka anemba ikabor ti nyeng mbor ber tama. 30 Ngha Jesu ba lame atenihor nyendege ngor idi batuntulor nya ika yobor ngha nwerr nya. 31 Nyangha wa iyomor bom iyor ji uba itama worr are Jesu, Christy ne mon ishor iyor ji atamor tuye aba fumor ikpen ngor mbeng yer.