IKPAK 11

1 Ngha ifonor nenom weh yinor neh Lazarus weh yolor yarm.Ayurjol ngor Bethany, ibugor Maryneh ngbayen weer nenkal Martha. 2 Mary yor jolor nenyor tamor ada akurr Ishor fenghe fo-leh ikpada neh nnushi-yeh, weh ngbayen-je Lazarus yolor yarm. 3 ba-mgbayen-jeh mba anebkal iba-tome tugor Jesu, ba-bong,"ada, breh, nenyor akpelor ikorr ka-eh kpi-yamah." 4 Igara nti Jesu yogor ijome fonor, aba bong,"uyambi nyha mbi iku shang, iri ka ntegeh Ishor inyor ji shengho nkaga malba jolor ka mon Ishor." 5 Nyhatiga Jesu ba fon ikorr ka Martha ne mgbayen nyor nenkal ne Lazarus. 6 Igara nti ayogor mbeh Lazarus kpi yama,Jesu kpe ba jol kpe atu abal ngho idi ajolor. 7 Igara nti nta ibe shang, aba bong neba tontonor beh, "ukpe wun tem ngor Judea." 8 Ba tontonor beh iba bong neneh, "mkpe-kpele, nyha ntiga-ntiga aneb Jews ikpi kana nah mbor yabah tobo atal, wor akpe kpi chebe norgor akpe fenghetum ngho?" 9 Jesu ba fangha, "yen-na irana iyom jol ngor igara nkaranka igole ne ibal ngor ufomfo? Jolor nen-dege-dege jenor ne-njole, animba gbogor, tep ne ayor kor irana mfam nya yen. 10 Jolor-ijolor nor, ajenor ne atuu, aba gbogor tep nenan irana fonor iram nene. 11 Abog abaga nya, ngor igaranti abaga fonor ibe shang, aba nebor, "ntem were Lazarus bu-gbor ilor. meh ntege ba jegeh inyor nji meh nfiro ji nyeme ngor ilor. 12 Ba tontonor beh iba bong nene, 13 Ada, jolor abeh gbor ilor aba bobor. Ngha Jesu bongho gum urege asher ilor. 14 Ngho igara Jesu ba tagde gbole, lazarus u kpor. 15 Item imeh yebe tep ne wor na-nkajolor ngho inyrj-ji wor aba tama. utum tobeh. 16 Thomas wer mbor yolor koge neh didymus, ba bong kaba tontonor mbagor, bu utum fefeneh inyorjigalem ubah kpogor ne Jesu. 17 Igara nti Jesu balor, aba yen na Lazarus be yel ngor ulem atu-tu ngor atu anii. 18 Ngho tiga Bethany jolor kulor Jerusalem. 19 Anebi jews feb iba ngor idi martha mbone Mary, nor mbor ba kapge ikor gara mgbayen bor. 20 Igara nti marthy yogor mbeh Jesu kpe-baga, aba yurr yi tobeh , Mary be mer ngor itek. 21 Martha ba bong ngor igara ntor ne jesu, Ada, mgbayen-jama jolem ba kpogor. 22 jol nyha ntiga, nyi-yi meneh ijom njende-dege abibor ishor, aba leme ka wor. 23 Jesu ba bong ka-eh, mngbanyi kpeba tumor yeme. 24 rtha bong nene, nyiyi meneh akpe ba tumor yeme ngor igara nyime ngor ufumfob iku kulor. 25 Jesu ba bong neneh meyor nreroe nyim-yime fenghe jol nkakaga ikpen; nenyor tamor tugor meh, jolor abu-kpor qaba neneh. 26 Fefeneh ne-yor nenor fenghe tamatugor meh nim-tege ba kpogor. Wor abu tama nta.? 27 Aba bong nene, ayi, Ada, meh. Mbu tama na wor areror Christy mon Ishor, wer mer ba ga mfam. 28 Ngara nti abah bong ntiah, aba tum gi koke mgbayen je wer nenka Mary akugor-akugor. 29 ABa bong, mkpe-kpele fonor rengjha akpela kogo. Ngara nti nti ayogor nta, atum yeme bababa fenghe ji idi jer. 30 Igara ntor, Jesus kaba ngho ibugor fonor atege kpeh jol gor idi Martha jilor ji tobeh. 31 Ngho igara nti aneb Jews, mba ijolor nene ngor itek ne mba iyoloh kage nyam item mbor yen Mary beh tum bababa yeme fenghe joke idi-gbole, mbor toneh, yor-tobor mbeh aferr ji rerr ngor idi ulem ireror. 32 Igara nti Mary balor gor idi Jesu reror yi-yene, aba gboh nonghe ngho atah fenghe bong nene, Ada, ken-nbeh ajolo ngha, mgbayen jama yolim ba kpogor 33 Igara nti Jesu yeneh amer feb-abibi, ne aneb Jews mba ibalor nene imeh bangha fab abibi, ikor ufu be ibah taba yeme fenghe yor ka-eh ilam ngor item. 34 Aba bong ,ngan wun bow-meh? mbor ba fanghe, Ada, ba yen. 35 Jesu ba fab abibi. 36 Ngha aneb Ijews iba bong, brer na akpelor ikorr ka Lazarus." 37 Mban dege fienghe yor bong, nenom wer-ngha shang rebor nwaga amerr nenom wengha tikpe-kpor? 38 Ngho igara ntier Jesu ikor ufu beh ikpeh tobeh, aba tum ji gor ulem, Ngha- tiga ijolor na mgbogor tan na feghe nyede utal lor. 39 Jesu babong, ta wun utal fonor. martha, mgbayen Lazarus, weh ber kpo .bong ne Jesu, Ada, ngha igara nta ngobji yeh ba kumor ibolor, tep ne ibu lomoe atu anii akpolor. 40 Jesu ba bong nene, ntagim-ma mener, jolor atamor, aba yene utanikor Ishoor. 41 Ggho igara ntor mbor ba tap utal fonor Jesu ba yeb amer ye yuror iborr fengh bong, ntol Ada, mba ka ikafor na abemeh ranghho atong. 42 Nyi-mene ayor rangha meh atong fel- igara,tep ne igom ane mba ibenme shibe kak nor yor iwedoge mbongho nta, inyor nji mbor mal ba fonor ntama na wor yor atomor meh. 43 Igara nti mbe bong nya ne igboro ilome, Lazarus,joke ba idi-gbole! 44 Nenom weh be kpor ba joke idi-gbole, akpada yeh ner abor-re igbala ne abomr; ushemerr beh fefene igbala ne mbomor. Jesu ba bong ne bor, funghe wun norgor ashong. 45 Ngho igara ntah anebi Jews feb mba ibalor idi Mary fenghe ba yen nti Jesu beh lem iba tama tugob. 46 Mban-dege iba tum ji top aneb pharisees jitak bor abodo nya Jesu beh lem. 47 Ngho igara ntor ntol ne aneb pharisees iba kok anebkole konor ashi fengh ba bong, bapijome ubah leme? 48 Nenom wer-ah yor lem abaga taikor fe. Jolor uyage abor nenteng na, ane waa iba tamatugu, aneh romans iba tab idi jereh 49 Ngho, nenom nyon-dege ngho ijom bor, caiaphas, weh jolor igboro ntol adem ngho ira ntor,babog neboor, wn yem ijom-jome. 50 Wun yem na inobor kagbogo ka ane shenghena mfam kpukpul rongho. 51 Ngha mbongho nya yurum ngor idije. irugor idi igboro ntol adim ngho ira ntor, aba yen amerr mber Jesu ba kpogor ka mfa m . 52 Inem ba jolor mbeh aba kpogor ka mfam nenteng, iba jolor nor inyor-ji abon Ishor mbah ibe ifenghe konor ashi jol ne nwreng. 53 kpeb ngho ufomfo bor feenghe gor nboke mbor ba lameh na mbor ba yolo Jesu. 54 Jesu kpem yor ba jengbole ngor ijom aneh Jews, tep ne nor aba tun idi fonor shaga yelgor ibugor ji ireror klor idi ikanpkan ifuyel gor igboro ibugor ji-yenor ne Ephraim.Ngho aba jol ne ba tontonor beh. 55 Ngha-ntiga ikak aneb Jews ishaga ikpedi-kpe, ane feb iba fenghe tum ngor Jeruselem nor ikak fonor ikum looh inyor mbor ba rogo ijibor. 56 Mbor yol jangha Jesu fenghe yor bongne aterm na mbor yemor gor itaba ikobasi Ishor, "Nanor wun meh tobor? wun-areh anim ba baga ikak fonor? 57 Ngho igarator ntol adem ne aneb PHarisees ibuka-ikor mbeh nendigedige wer yilor idi Jesu reror, atororinyor mbr ba jige bobeh.