1 Ngor item baga, mkpi bongha ka, ne-nyor kajengho ngor mbo yel itaba ujoror, fenghe yurr iborr ngor mkpa yen-dege, nenom wengho nju ne nka kafem. 2 Ne-nyor yellor ngor mbo ngom-gomoh ujoror yor. 3 Ne-nyor yor gome mboh fonor yor ribe mbo ka-eh-ujoror fonor iyor yoke ilome-teh, afengha kok bor gor abeng bor fenghe tabor joke. 4 Igara nti abeh bor yege joke waa, aba gbogor-mbarr kabor, fufene ujoror fonor iyebe tonor, tep nenan mbor nyi ilome-te. 5 Mbor nimba tonor njeneh, ikokor bulombor mbor yebe tumor shaga le-le tepne mbor njim ilome ajeneh. 6 Jesu ba tobe bor igan nta, mbor kunim nah abodo nya ijokegor nya ayolor yor bong kabor. 7 Jesu mkpeh ba bong nebor, itembagaji, itembagaji, meh mkpi bongho ka, meyor nre-ro mbo ujoror. 8 "Nendege-degeh weh shengho gor njim-yama nju neh nkagafem, yor jol nor iyoror fonor itegim yoge. 9 Me-yor nrero mbo. Jolor nen den-dege yelor jeng gor meh, aba fonor nogor; aba yele ateng fenghe joke fenghe li-iteng tenghe ijom li-li. 10 Nju yom ba ngor nden-den-dege shengm nyugor, nyoloh nrongho. Meh mbuba inyor mbor ba fonor ikpen fenghe nene uteng-tenghe ikper fon ferb. 11 Meh-yor nreror iteng-tenghe ngome ujoror iteng-tenghe ngome ujoror yor ka ikpen-teh ka ujoror. 12 Nrogor itome wer mbor yameh, ngome ujoror shang ayom fenghe fon ujoror. Ayor yen mgbe meh ba fenghe yaga ujoror fonor abor weleh tum, mgbe fonor babor fenghe jak bor. 13 Aba toboe tum tep ne nyam-yama nrogor itome yor, ayom brer ujoror fonor. 14 Meh iteng-tengha ngome ujoror iyor, mfenghe nyi abama, abama ifenghe nyi meh. 15 Ndeh yi-meh nyi fenghe nyiyi Ndeh kah ikpen tama ka ujoror. 16 Mkpe ujoror mba gor mba ika rero na ujoror mbi ijobor ngha itek ujoror mba. Ntege ba bor kokor ba fufene, mbor fenghe ba yogo ilome tama inyor nji mbor ba jolor igbell njireng ne ngome-gom nwreng. 17 Nta ti iwedor nyor korr ada jama: Nkali kpen inyor nji mal-kpeh ba taba. 18 Nene nim tege ba tara shaga meh, ntay ka ijibama. Mkpe ikor nor nkah fenghe tara. Mebor kor ikor nta ngor idi ada jama 19 Nyaba mkpe ba jol ngor igom aneb Jews tep ne alome nya. 20 Ane-feb ngho igom bor iba bong, nim yi neh-nenyor ishi ikakone nanor iwedoga wun mer rangha atong? 21 Mbagor ibong, ngha mbong nenom weh ulim imer ka-ilam shang. Nim yima ribeh nwaga amerr amerreh? 22 Ngho igara ntor igboro ikak iba jol ngor Jerusalem. 23 Igara fonor ijolor ulome mbi Jesu yolor-yor jen ngor itaba ikobashi ngor mon amerr itek Solomon. 24 Aneb Jews iba cheber kak fenghe bong ne-ner. Nanor iba raba lomoe neh alem wurr iyor rara? Jolor arero Christy, tag wurr gbole. 25 Jesu ba fangha bor, ntaka wun tak, wun tegm tama. Mfangha yi nyor lem ngor mbeng ada-jama, nyangha aba wuni-taka tole gum meh. 26 Wun nim tege ba tama tep ne wun ujoror bama shang. 27 Ujoror bama iyor yoke ilom tama, nyi-bor yi, mbor fenghe tonor meh. 28 Mbubor ka ikpen ikenkeng, mbor nim-tege ba kpogor, afi tara bor shaga meh ngor ubor 29 Ntol ada jama, weh kalor meh mbor fulor shenghe mbagor wah, neneh kpem ikor nor atara bor shaga ubor ntol ada. 30 Meh ne ntol ada njreng ji. 31 Ngho igara ntor aneb Jews ikperba kpoe atal nor mbor ror to-beh. 32 Jesu ba fangha bor, mbu wun tep ano-nob mfangha dole nya iyuro gor idi ntol Ada-Ngho ano-nob mfangha nyor nyan ya wun mer-mer tope atal? 33 Aneb Jews iba fanghe wurr unimor toba atal ngor ino-nob ifangha nti-nden-dege, shengm mbeng rorongho afi ubongho asha-shab tep na wor neh akpe leme ijiba ishor. 34 Jesu fangha bor iyonim ngor ibaynay tineh, "wun abong, wun abon ashor bah? 35 Jolor akogor bor abon ashor, ngho yor mbeng ishor yurror alome ishor inin tege ba tana. 36 Akpi bongho ka ne-nyor ntol ada yege bome ngor mkpah fenghe to-eh bagah mfama, wun kpe meh rongho mbeng, tep ne mbu-bong meneh meh mon ishor yor? 37 Jolor ntior lem mfangha ntol ada jama, ka-wun tama tugor meh. 38 Jolor meh lem mfangha fonor, jolor-ijolor mbeh wun tamum tugor meh, tama wun ngor mfangha inyor nji aba kunor fenghe renghe na ntol ada rero nenamah meh mfenghe jol neneh. 39 Mbor kana nor mbor kpeh bob aba joke shaga bor ngor abobor. 40 Akpeh tum jon shenyeh Jordan shaga rigor idi John yolor gbor-mbarr wurror ane alip, fenghe nene-ngho. 41 Ane dole iba torbe fenghe yor bong, John te bum mfongho, abodo wah nya John beh bong gum nenom wer ngha itembaga-ji. 42 Ane feb iba tama tugeh ngho.