IKPAK 1

1 Na Jesu jenor-sheng ayen nwaga amerr nenom mbe iyor ngor igara mbele. 2 Batondulorbe ibla (bube) inkpe-kpele, nyono bebeh lemor ibebe, nenom wengha afi ba be be le beh, (afi) mbor beleh nwaga amerr? 3 Jesu ba fangha inemalbajolor mbe nenom wengha lemum ibebe afi anemba-ibele, ijolor nor, inyor nji nfangha ishor iba tebe gbole ngho idi-je. 4 wurr utege ba leme mfangha ne nyor tomorme fele ufofo. atuu ikpe baga ngho igara nti nendendege timal kpeh ba leme afangha. 5 Na nrero ngha mfam, meyor nrero irana mfam. 6 Igara nti Jesu be bong abaga-nya waa, aba shor atel wurror gos ndege, shumor ntutobor ne atel, fenghe robeh ntutob fonor ngor amerr. 7 Aba bong ka-eh, "jong ayi row gor idere alib siloam" (nji iyongno jole "tome". Nenon fonor batum yi row amerr fenghe ba iyor yen. 8 Ngho bakul tek nenom fonor ne mba ibe torgor nyen ngor njim na nne nleme iyor ba bong, nenom wengha shang yor konic bume lemeh? 9 Mba denge bond wer-yor" Mbagor bong" weshang afenghe re na-we-ngha. Aba bong, me-yor 10 Mbor ba bong nene, " nanon amerr ya lrebor? 11 Aba fangha, "nenom weh mbor kokeh neh Jesu wer yor lemore ntutobor robor meh ngor amerr. fenghe tak meh nor nshong ngor siloam jirow mba tum yirow amerr yama ngho, mba gbeb nyeneh yama. 12 Mbor ba bong nene 'ngano are ror? Aba fangha "nyim" 13 Mbobakor nenom weh jolor nwaga amerr ba tob aneb pharises. 14 Ngha ljolor ufomfo rege-asheh mbi Jesu kolor ntutobor timeh amerr fenghe ribeh amerr ne ntutobor. 15 Ngho igara ntor fufene aneb pharisees iba bubeh na alemor amerr yeh irebor. Aba fangha bor, akaga meh ntutobor ngor amerr, nrow nghatiga mkpi yene. 16 Aneb pharisees mban-de iba bong "Nenom wengha neh ishor shang tep ne ayom fon uregeh-asheh ngor ufomfo ishor" mbagor ibong, "nano iwedor neh abebe ba leme agbet atanikor nya? Ngho mbor ba yap shaga atem. 17 Fefeneh mbor kpe ba bib nwaga amerr fonor" baeh ijome abongho gumeh, tep na ariba amerr?" Nwaga amerr nenom fonor bab bong" Nyene amerr yor. 18 Nghatiga, aneb Jews itegim tama na ajolor nwaga amrr wer be fenaghe yor nyen shegim mbo bu koke ane ber. Weh ber fon amerr yeh. 19 Mbor ba bub anebe mba ibele, "mon wene wer wun-nare mbor bele nwaga amerr weyo-ngha? Nano alemo yen nghatiga? 20 Ngho igara ntor, anemba ibele iba fangha bor, wurr uyiyi mbeh ngha mon wreh yor fenghe yi na mbor bele awaga amerr. 21 Nano ameh yen nghatiga, wurr uyim, ne neh-yor ribe amerr, wurr ujim. Bu-ber, nenkole yor. Amal ba bongho ka ijibe" 22 Amenba ibele ibongabaga-ya wah tep ne mbor fonor ubol aneb Jews tep aneb Jews itama bubome na joloh nenden-dege toro gumeh na arero christy mbor yebe rogor kak ngor synagogue. 23 Tep ne nta, ba bebele beh iba bong, "Nenkole yor,bubeh wun 24 Ngho igborbolo ibal mbor kok neno fonor weh walor amerr fenghe bong neneh, "ka ishor ntege. uji-yi na nenom wer-ah rero ne-abeber. 25 Igara-ntor nenom gonor ba fanghe," meh nyim jolor ne-abebe jor. Ijome-jreng nji nka nyelor njolor nwaga amerr, nghatiga mbuyen". 26 Ngho igara ntor, mbor ba bong nene "Bah-ijome alemor nena? Nanor alemor amerr ya iribor? 27 Aba fangha," Mbu wun tak iyogo-iyogo, wun yogim. Nano iwedoga wun me-kpe cheb wun yoke? Wun nimor cheb wun jol batondulor be fufene, wun kpi chebe? 28 Mbor toeh fenghe iyor bong, wor ntondulor weh yor, wurr ba tondulor Moses bah. 29 Wurr uyin-yi na ishor be bong ne Moses, wurr uyim idi ntingha iyror ba. 30 Nenom fonor ba fengha fenghe bong nebor nta ire igbole na wun ka nyelor idi aror jolor-iyolonor abu-ribe amerr yama. 31 Wurr uyin-yi mber ishor yom rangha abebe ameh atoneng, jolor neh be tama fenghe lem ifangha teh, ayor yoge-yoke. 32 Kpeb na nfam yegor idulor ikah jol mbe nebu ribeh amerr wer mbor bele nwaga amerr. 33 Jolor nenom wengha ka yror ngho idi ishor, aba leme ijome-jome. 34 Mbor ba fangha, fenghe bong nene 'woh mbor bela gbubul kagor abebe, woh afenghe kpe wurr ikpele? Ngha igara ntor, mbor ba yege joke. 35 su ba yoke na mbor beh yege joke shanga synagogue. Aba yene fenghe bong, woh ayor tama tugor mon ishor? 36 Aba fangha fenghe bong, nyonor arero, ada, wer meh mba tama tuge? 37 Jesu bong nene "woh abeh yen, weyor rero nenyor meh bong nenine ngho. 38 Nenom fonor ba bong, "Ada mbu tama," a fenghe kumor arong ka-eh. 39 Jesu ba bong mer mbala-ngha nfam nya ka nlama inyor nji anemba itilor yen aba yene fufene inyor nji anemba iyor yen iba jolor awaga amerr. 40 Aneb pharisees mban-tege mbah ijolor nene iyoke abodo nya fenghe bubeh "wurr awaga amerr ba fufene? 41 Jesu ba bong nobor, jolor ajolor nwaga amerr animba fonor ibebe, nghatiga wah mber, ubuyen, tep ne nor ibebe-ja ibu chaga kah?