1 Ishaga atuu arara nor ikak fonor ilomoe, Jesu yurr ba ngor Bethany, idi Lazarus jolor, weh Jesu yimeh gor iku. 2 Mbor ba ka-eh ijome li-li igorr ngho, Martha yol baga ajome lili, Lazarus fenghe jolor neh-nwreng ngho anemba inongho ngor ikpokogoro ne Jesu. 3 Ngho igarantor Mary ba tap ikpong-kpong akurr iluu nji mbor kolor iteng-tenghe ite iluu lem, tameh ngor ayugugorr, fenghe foleh ayugugorr ne nnushi yeh. Itaba fonor iba rorr ne akurr uyebe iluu fonor. 4 Judas Iscariot, ntondulor weh nweng weh yebeh goro, ba bong, 5 Nanor ika jilor mbeh ukurr iluu ma igoro gor ikobo atil-ikowrr inyor uba fenghe ne ya ka aneb-akanya? 6 Neh akum bong nta ijogum mbeh akpe igara ka aneb-akanya, abongho tep ne nju-yi. Afonor ibam akobo ayima ju akobo nya mborr kagor ngho. 7 Jesu ba bong, yage abor afele nya akpelor shek ufomfob iku tama. 8 Ayor ba fonor aneb-akanya feleh igara. Meh anim yor ba meh yene fele igara 9 Ngho igara ntor igom aneb Jews feb iba nyi na Jesu ijolor-ngho, mbor iba-bah, mbagah mbor jolim ka Jesu nenteng fufene ijolor nor mbor yen Lazarus, weh Jesu yimeh gor iku. 10 Ntol adim ba lam neh bor inyor ji mbor yebe leme akpor. 11 Tep ne weh yor aneb Jews ifenghe tum fenghe tama tugor Jesu. 12 Ngor ufomfo mbugor igboro igom ane iba yurr ba-ikak fonor. Igara nti mbor yogor mbeh Jesu kpe bago ngor Jerusalem. 13 Mbor ba tap amang aberr fenghe joke yi tobe yor rerr joke, ujeb-item! inonob ire ka nenyor balor gor mbeng ntol ada ntol Isreal 14 Jesu ba nyen mon mborkang fenghe yorr bimeh, na iyonor, 15 ka ber, mon nenkal zion; brer, ntol yah kpe-baga, bimor gor mon mbor-nkang weh nenom. 16 Ba tondulor ber ikunim abodo nya ngor mgbpmbarr ngho igara nti ntege Jesu jolor, mbor borow mber nyonor bujol gare ngha abodo nya ifenghe jol mbeh mbor liulem abodo nya nene. 17 Igara tor igom ane fonor ibabah toror na mbor jolor nene igara nti akogor Lazarus joke gor ulim fenghe yimeh ngor iku. 18 Ntingha ti iweduka igom ane ijogor idi-gbole nor mbor yi yeneh, tep ne mbor yogor mber weyor lemor utsnigor mbingha. 19 Aneb pharisees iyor ba bong ne yobor ngho igara ntor. Brer wun yorma lem ijome-jome, brer, mfam gbugbul kpe tobo toneh. 20 Ngha tiga aneb Greek mbantege ijumor igom anemba iyolor tum yi kumor arong ngor ikak ireror. 21 Nyangha iba lomor idi Philip, wer yuror gor Bethsaida ngor Galilee, fenghe bubeh na, ada, wurr ukpi chebe uyen Jesu. 22 Philip ba tum yi tak Andrew; Andrew ba tum tonor Philip, fenghe tak Jesu. 23 Jesu ba fangha bor fenghe bong, igara ibu lomoe nji mon ishor ba fonor ntege. 24 Ite mbagaji itembagaji, meh mkpi bongho ka wun, shengm mbeh mogor-te bu fonor nongho ndege fenghe kpor, ashagor ngho nenting aka-fengho kpor, aba tongho amogor feb. 25 Ne-nyor kpelor ikorr ka ikpen teh ba tar-ikpen teh, fufene nenyor ikpen teh iyor shaber ngha mfam ya ba nene ikpen-ikeng keng. 26 Jolor nen-den-dege tama tugor meh, nor atonor meh ji idi nreror, aba jolor nrogor itomo wama fufene. Jolor nen-den-dege tumor tugor meh, ntol ada ba fonor nkaga ka-eh. 27 Ngha tiga ufu bama ikpe lam jome mba bong? Ada, aba meh nogor ngha igara nta? Tep ne nta ti mbalor ngha igara nta. 28 Ada mbeng ya bu-yuror. Ngho igara tor idome iba joke ngor iborr fenghe bong, meh mbu-tap mbeng ya guror. Mkbe ba taba yurror. 29 Igara ntor igom ane mba iyemor ngho ugbangha fenghe yoke ntingha babong mbeh ikpe ndan mbu tobe kak. Mbagor iba bong nrogor itome ishor bubong nene. 30 Jesu ba fangha bor fenghe bong islome nta ibalon ka meh, ibala ka. Igara nlama mfam tingha ngha ntiga. 31 Igara ibu lomoe nti ntol ngha mfam ba jogo mfam shaga. 32 Igara nti mbeh tum ndege shaga tum iborr, mba wamah nen-den-dege tonor mefono. 33 Abongho nta nor itep inyonor ngor nkuk iku nyi aba kpoyor. 34 Igom ane fonor iba fanghe, ubu- yoke ngor ibaynay na Christy ba nene ikpen-ikeng-keng. Nanor iwedorga abonghe na mon ishor mboryebe taba gurror gor iborr? Mon ishor nyonyongho fonor? 35 Jesu ba fangha bor irana ite ba jolor nenine ngor mon-igara tegeh, Jen wun kpelor irana, inyor ji ijinghe itiba wuniboloe. Nenyor yor jem gor ijinghe yorm yi idi aferor. 36 Na wun kpelor irana, tama tugor irana fonor inyor ji wun ba jolor abon irana. Jesu ba bong abaga nya fenghe-tum yi shelay shaga bor. 37 Ngho igara ntor Jesu bulem abaga tanikor feb tep bor, mbor tegim tama tugor. 38 Inyorji ibong Isaiah nyene amerr iba jolor iterabaga, na abongho. Ada, nyonor beh tama ibong treh ne nyonor ugagubor ada ibe-tep ngho ngopji ye? 39 Tep ne nor mbor ta mum, Ishaiah ba bong fufene 40 abubor wah amerr fenghe tunor ntem bor kin ika jolor nor mbor ba yene ne amerr bor fenghe renghe ne ntem bor, chebe fenghe lem bor mbor nob. 41 Isaiah bong abaga nya tep ne ayene ikor utam kor Jesu fenghe bong gumeh. 42 Jolor ijolor nor atole feb iba tama tugor Jesu, tep ne aneb pharisees, mbor torim joke injor ji mbor te babor bama injor mbor ti kpeh ji gor synagogue. 43 Mbor foror ikorr ka ane jenghe na ikorr nti igurror ngor ndi ishor. 44 Jesu ba rerr joke fenghe bong, ne wor tamor tugor meh, nim ba tama tugor meb nenting afenghe ba tama tugor ne nyor tomor meh, 45 ne nenyor yenor meh ba yene nenyor tomor meh. 46 Meh mbuba na irana ngha mfam, inyor ji nenyor tamar tuger meh tibah shaga ngor ijingke. 47 Jolor nen-dendege yogor mbong yama tifenghe nene gara mbong fonor, nim ye beh lama, tep ne nka ba nor mbalam mfam, mbala nor mba nork mfam. 48 Nenyor tenor meh fenghe ten mbong yama kpe nenyor yebe lama. ibong nti mbe bong iyebe lama ngor ikukulor ufomfo. 49 Tep ne meh nimor bong ka ijibamah, ifenghe re ka nenyor tomor meh, weh kalor me ikor gara na mba bongho ne ijome ji mba bongho. 50 Meh nyi-yi meneh ikor teh ire ikpen-ikeng-keng, ntorti mbongho na ntol ada bongho ka mer, fufene noryor mer bong"