1 Nganor ntangha ne alam iyiro? ba jol ne nine? Iyirom ngor abodo nya ijor kora, Iyor nok nne atembe? Abodo nya ime wun korr, wun kpem. 2 Wun yol fenghe yor gbaba, wun numor tigi ma ko. Anug abirr ne ntangha amam fon teb animor beb. 3 Ajor beb, ajom fon ngonan wun jom bub ngor inop nop, nyor wun bakogo leme abodo nya imewun korr. 4 Wor nnonghor ne alom ane, ayim na uleme utem ne nfam ireror ilam ne Ishor? Nne nji ndegendege nyor ye leme utem ne nfam re nne ujing ka Ishor. 5 Afi wun kpi tobor wun are alom ibong tana? "ufu mbi alemo inenor ne nire ibaga ijom kore?" 6 "Ishor jor ka inop nop. alom ibong, "Ishor jom shep ba taba ngobji yire, alem inop nop ka ane mba iye rede ngobji." 7 Tap ila ka Ishor. Gbana ne num aba tobo tum. 8 Jen kule Ishor, Abajene kula, ro aboya, aneb ababack, ro wun item yine, wun mba ntem yine ika yor jol idi njereng. 9 Imok, tere ne urerr! Nnogo ashul ya ijol ishap shap uyebitem ba ijol atu. 10 Jol wun tere ngor ushimirr ntol, ayaba yibe yire. 11 Ba ngbayen bama, ka wun bong gume atem. Nne nyor bongho gum ntem afi alam ngbayen, abong ishap shap gum ibene fenghe lam ibene. Aye lam ibene, wor nleme ibene shang, wor nlam lama yor. 12 Nne Nwereng yor jor ka ibene fenghe lam. We nenting yor jor nok fenghe fele rongghe. Wor nyonor, wor nji ajor lam ane? 13 Rangha me atong, wor nji abongho, ilela afi ubona wurr uba yele ngho igboro ibugor, jol ngho ngor irra ntereng jen are, leme nshing" 14 Nyonor nyilor nti iba jolor ubona, nna ikpenta ireror? Wor arena ijujug njiabayen ngor ngara teke anum kpe nyen. 15 Ilaga nogor abong nna, iye korr ada, wurr aba nene fenghe leme nja afi njigor." 16 Ngha ntega wor akpi gaba gara ne ishap shap ntobor nyi akpelor. Nyangho wa inobum. 17 Nne nyo nyilor nogor alem inop nop fenghe ten nleme, abu lem ibe bak.