1 Wun feb shang iba jolor ba kpele nkpele, ba ngbayen bama, wun nyinyi wun are wurr mba uyor kpele ba mbo galba lama. 2 Wurr wa uyor shordor ngor abarr feb. Nne nyor ka yor shordor ngo alom are kpekpe, amalba bomo ngobji ye wa a. 3 Wurr uye kak nige ngor nyob ubornkang norgor mbo lem na ume sheb, wurr fufor umalba gomo agobji bor. 4 Yen wun fufor na ashigekang , jol na mbor fulor, ituntunor mfeng ji ijor tap bor jen, mon ijom na teke yor tabor jigor idi ndege ndege nji mbor ji. 5 Fufor, ulibe ire na teke, ijor lem agboro abaga. Yen wun fufor na mon ilolol ngon iyor teb igboro ikol. 6 Ulebe fufor ngon mi, nfam abebak. Ulibe ijo nyag ngobji wa a, kag ngho ngon abaga ikpen, we fonor konor ngon ngor ngon me akao nime. 7 Ashap shap unyam, arok, ne unyam mbi iyor yobor ngor agboro alip mbo-bo le , ane ba imebole. 8 Nne ne numa kporr ulige , Ibebe nji ikao urege ashi, nji ikpelor akum yolo nne. 9 Ne nto utab ntol ne nshuwure yere fenghe tak ane ashap ahp, mba Ishor bebolem ngor nfungho ye. 10 Ngho nyor inop nop ne isha shap iba. Ba ngbayen bama, abaga nyangha itijol. 11 Ayiyebe alip ne alolol alip iyor fifab jok ngor ifaba njerenghe? 12 Ba ngbayen bama, ite fig imalba tungho olives e? afi grapevine ne? 13 Nogor nne nyor tep inopnop ikpen ngor nleme ukeno abaga mbi tere. 14 Wor aye fon ishap shap item ne ntobor ngho item , ka tab ngobji yire fenghe kpam umala lag itembaga. 15 Ngha ukun abaga mbi ibalo ngor iborr shang. ibaga nfam, ibaga ufu shang, ibaga nnim. 16 Ngha ntiga wun kpi gaba ngor ishap shap ntobor yine. Ngaba nyor wa a ishap shap ji. 17 Uken abaga mbigor iborr ire kporong, tere ngor ikorr, ntobor, fon nbaga ne anop nop amogor, yeme ngho itembaga. 18 Amogor uyeme dedede iyor tab torr ngho idi ane mba ijor fon tere.