1 Ba ngbayen bama, ka wun fon ntama nji ada Jesu Christy fonor, ada iglory, ne ufono nkaga ka ane mbandege. 2 Ijol mbe nendege bangho ibum bume jinne kagor ijire nji igold ne anop nop awuror, fufor ne akanya ba yel ne anyak nyak awurre. 3 Wun ye bure neyor kagor anopnop awure, fenghe bong, "Wor bumme ngha inopnop ite," wun bong ne nne akanya, "wor yeme ngho fe-e," afi "abumme ngha akpada yama," 4 Wun nimor lam atem me? Wun ka jol ba lam ane ishapshap ntobor? 5 Ba ngbayen bama mba iyor korr me, tangha wun me atong, me nega Ishor yige anep akanya ngha nfeam nogor mbo fang ngor ntama, nogor mbor fenghe fon uken iborr mbe akono nyor ka anne mba ikpelor ikorr ka e? 6 Wun fonum nkaga ka anep akanya! Annep afan shang iyor lem wona ikorobor? mbo shang iyor wam wun jigor idi lama nne? 7 Mbor shang ibe to fele inonop mbeng nyi mbobewun kok ngo ndege? 8 Jolo afengho jen tonor ibene nfam waa ibongho, na alom, "Aba fon ikorr nleme na worfonor" alem kpe kpe. 9 Afengho teb ikorr ka aneb mbandege, akpi teme ibebe, ibene iyaba bobor na mgbogi ibene. 10 Nne nji ndege ndege nyor ye bom mbene waa, fenghe gbor ngor ntereng, abugbor mbene nyigor wa a. 11 Nne nyor ye bong, "ka nongho nne nkal ane," fufor abong, "ka yol," jolor wor akaboti nongho ne nkal ane, jolor wor akaboti ti yol, wor ajol nne nyor kao bom ibene. 12 Bong, afenghe leme na ane mba mbo babolama ne ibene nti iyigor wurr shaga abebak. 13 Nlama jomba ne mbaga ngor idi ane mba ikatebor mbaga. Mbaga fule shange nlama. 14 Nanor inobor, agbayen bama, ne yebong mbe we kpe ntama, nleme akpen? Ntama ngho mal yebe nogor? 15 Ijolor mbe ngbayen jere nyor nenum afi nenkal kpem atengtenghe awurre, agom lili akpem ngho ufonfo mbor. 16 Ijol mbe nne wureng ngho igom jine bong nene, "shong tere, jol kpekpe nogor ufu ijol nena," Wun kakalorbor abodo nya ilagor ka ngobji, ba inopnop ngho? 17 Nno yor fufor, ntama ngor ite, ikafonor ifangha, iku ti. 18 Mbandege iba bong, "wor akpe ntama, me nkpe nleme" Tep me ntama nyi kakpelor nleme, me nyaba tebe ntama ngor nfangha yama. 19 Aye tama na Ishor reror njereng, wor abulem kpekpe. Jol ulum ijor titama nor, mbor fenghe be fefle. 20 Wor akpi shebe akene, ndam ane nenum, ntama nyi kakpelor nleme kpem infan? 21 Menega Abraham nshuwere fonor ntige ngor nleme ngara nyi atabor mone Isaac yal nyala? 22 Wor abu yen wombe ntama jor leme ifangha ntama ye fuele na do-ol. 23 Alom ubulem na ibongho, "Abraham tama tuge Ishor, mbo fala shime inop nop nji ajolor," mbo fenghe koge ne ntem Ishor. 24 Ayen wun na ijolo ngor nleme nne ufono inop nop mbeng, ijolim ngor ntama nenting. 25 Fufor, menega Rahab nlime akpara aleme kpe kpe ngor ngara nyi atabor barogitom fenghe tom bor jok ngor mbarr nyindege? 26 Nna ngobji ka fonor ufu ireror iku, fufor ntama ka fonor ifangha iku ti.