Ikpak 5

1 Ba nhangtega, wun anep afan, rerr ngor ashap shap abaga nya ime ba ka wun. 2 Afan yine ibumal, awure yine atan ibu li. 3 Agold ne asilver yere ibu renghe. Iba renghe ngobji ya na ngon. Wor abom afan ya kpishege atu ikikele. 4 Bre, akobo nya wor atabor bom akpelor ka ane mba ilemo ifangha ka ikpi rere jok gum nena. Arerr anep ifangha ibu lomo ngor atong ada nyor kpelor wurr. 5 Wor abu nene ishap shap ikpen ngha ndege na ika nobor. Wor abu ka item ta agomlili jor sheg ufunfu nyoloya. 6 Wor abu renghe fenghe yol inop nop nne we ka tenome. 7 Jol wun tere ba agbayen bama, sheg ngara mbaga ada. Yen ngha ntega gbe jor sheg anop nop amogite ngor ndege, ayor nara nterr lomo ngbogo mbarr ne ikukule ilip. 8 Wor fufor, jol ter. Itemta itunor , ngonan ishaga teke ada babaga. 9 Ka wun kagu rorr ba ngbayen bama, gum atem, nyor mbor yiti yaba lama. Nyen, nne nlama yem ngho mbo. 10 Ko wun nfungho agbayen bama, ngor akanya nne ter ba yene amirr, ane mba ibongho ngor mbeng ada. 11 Wurr ujor tab anep ter na mbor kpelor inya. Wun bu yok unaranterr Job, wun nyi na ada lemonor, na ajor fon uyen imok. 12 Ngha abaga nya wa a, agbayenbama, kawun tere ngor iborr afi ngha ndege, afi ngor uton. Ukukobulor mbor, "Ay ja ijol ay," "Ay ay ja ijol Ay ay" nyor wor atiba gborgor yel ngor nlama. 13 Nne nji ndege ndege ngho igom jine kpi nyene akanya? Norgor ajom ndor. 14 Nne nji ndege ndege kpe uyebiteme? Nnogor atom abem. Nne nji ndege ndege kpi yama? Nnogor akok anepkol ikobashi, nnogor mbor jom ndor ka e. Nnogor mbor tame akurr ngor mbeng ada. 15 Ndor ntama ba leme nne uyam nop, ada yebe taba yeme. Jolor abe lem abebak, Ishor yebe baga. 16 Toro wun abebak ka atem norgor wun jom ndor tuge atem nyor nji wun ba norbor. Ndor nne nyor reror gbol jor tunor jol ngor ifangha. 17 Elijah jolor nne na wurr. Ajom ndor mbe ilip inum ba naga, ilip inalum ngor nda ire ne amerr arara. 18 Elijah kpe jom ndor. Ilip ina, ate itunghe feb. 19 Ba ngbayen bama, nne ngho igbel jine ye tum shaga itembaga, nne nji ndege fenghe nene. 20 Ilaga nne nyor , ken mbe nne yor ye jol nleme abebak na ame shibe iyebe nogor ngor iku fenghe shele abebak feb.