1 Ntega jol ngbogor mbarr ukono nyor ifunor mbenneh ka ntege ne idi ntege ngha ndegeh. 2 Mbor lem itaba ikorbashi. Nji igbogor mbarr ngho idi mbor bomor amolor, ikpokoro, ne nshege nyi jolor ngho mbor jol kogo ne idi nji kporong. 3 Ngor njam igborbulo mbomor nyi tugor ngho, idi ntege njigor kpel jolor nghor mbor kogo idi fonor ne idi nji igalor wele. 4 Mbor kono akurr iluu nghor ikpokoro nji mbor kolor igold lem. Fufor ifonor nkpokpo ukono nyor mbi abodo iroror ne agold sheng shaga. Ngho aten ifonor ijonghonor nji mbor kagor agomlili Isreal ngor utanikor. Uteteh Aaron, ne aborn alom ukononyor. 5 Ngor iborr nkpokpo ukono nyor, inonob ijom nji ifonghor arogitom Ishor itarah idi donor ngor ikonor, nji wurr utimalba bongho gum dol. 6 Nogor mbor kum leme abodo fonor, Ntol udimjor konor iyele ngor nkpak itaba ikorbashi nyi ka reror ateng ji lem abodo. 7 Ntol udim nnenteng yor nyigor ateng, nkpel nyereng ngor ira ne along ma wer fonor kulor ka ngobji yeh, abebag ane nya mbor ka shebor nogor mbor lem. 8 Inonob ufu mbi kporong itebe mbe na ngbogor mbarr itaba ikorbashi ikpelor yem mbarr yel ngho adi nya igalor barr ikateb. 9 Ntigha itebe nfonghor igara nti ntiga. Nkaga ne nyal nyi mbor meh ka inimoma lem ntobor anne mba ime tama tuge itunor. 10 Mbor kpe igara ka ijomlili, awogor amum, ne ujige ji bumengor nkak, abaga ngobji tetete nya nfemfe. 11 Christy bala nna Ntol udim anonob abaga nya ibe bah. Ashenghe itaba ndor nji ifulor fenghe jol kpekpe, nji mbor kakolor abor lem nji ika reror ka mfam nya. 12 Ijolum ngor alon ubol ne abon agodobia, ijolor ka amme along ma iwedorka ayel ngor idi nji igalor re kporong ishinghe ntereng ka wurr waa nogor ufon nnogor. 13 Ijolor along ubol ne along agadobia nya mbor beh yige afun ne umadeh atong mon nkal ugodobia ngho ngobji anne mba itio barr, bom bor feh shaga Ishor ngor urogeh ngobji bor. 14 Nan iwedor along Christy nyor ngor ufu mbi ikakpelor ikukulor tabor ujibe kar Ishor, arroh ntobor yireh ngor nfangha iku ba rogor Ishor itembaga. 15 Tep ne ntigha, wer yor yemor itengtenghe ukononyor nfemfeh. Ntingha ijolor nor, nna iku ibe bah nogor iba yige nne mba iyomor ngor mgbogor mbarr ukono nyor shaga abebag bor. Mbor mba akogor bor iba fonor ukono nyor uligibon mbi ikakpelor ikukulor. 16 Nogor idi ukonon nyor ireror, iku nnenyor lemor ibatoror itembaga. 17 Ukono nyor ijo lem ifangha igara nti nne bekpor, ngonan inim ma lem ifangha nji nne yor lemor afi nne yor lemor kpelor-ku ikpen. 18 Jol ngbogor mbarr ukono nyor jolim shaga along. 19 Igara nti Moses kalor anne waa mbene, atap along abon agodobia ne ubol, bodo ne alip, abebele awu, akum fenghe mideh ikpupre akpada nwerr ne anne fonor waa. 20 Abong, "Along ukono nyor mangha ma Ishor be wun kah." 21 Ngho nfonghor, mideh along ngho itaba ndor ne abodo nya mbo koh lem ifangha. 22 Ibenneh ibongho na, Ishaga tekeh nogor along iroh ijom njendegendege. Ika togor sheng ngor uwuror along mbagah nimba jolor. 23 Tep ne nor ililak nogor mbor roh akpak abodo nyagor iborr nne nyal unyam. Nna iye jol, ilaga nogor mbor roh abodo nyagor iborr ne nyal nyi galor nob waa. 24 Christy yelim ngor idi nji igalor jol kporong mbor lemor ne abor, nji ireror ngo nfongho nji ireror itembaga. ukorkorbulob mbor mbinghor, ayel ngor ukun iborr, nogor aji yeme ngor ushimerr Ishor ka wurr. 25 Ajilim ngho idi nji ngho nogor aji tab ujibe ka ngor igara feb, na Ntol udim lemor. inyor fel irrah jo yel ngor idi nji igalor reh kporong ne along. 26 Jolor ijolor nor ajol ba nyene akanya igara feb ngor iyigitulor mfam. ngha ntega abuba ngor ikukle igara nogor ibebak itikpe jol na atabor ijibe yal nyalah 27 Nna ireror nogor nneh kpor nkpel nyereng, ntinghor iye sheng nlama bah. 28 Fufor, Christy balah igol njereng nogor abatab abebe abaga ane feb, akpebabaga ngor nkpel ibal, ngor ibebe abaga sheng, ngor nnogor ane mba ime shek.