1 Ngha, ijom nji umer bong ire na wor ukpe ugboro wdim, wer ber bemer ngor ubob lom ite utol Ada nyor ikun-iborr. 2 Are nrogitom ngor wele wele idi itaba ndor nji itembaga nji Ada lemor. 3 Tep ne nor ilelak nogor afun ijom nji aba kaga. 4 Nghatiga, jolor Christy jolor ngha ndege, ajoem ba jolor udim kpukpul, Na ikpelor ane mba iyor ka nkagar gara ngor ibene. 5 Mbor kala iyonor ne utugor abodo ikun-iborr, ire na Ishor nyomor Moses ngor igara nti ayagor nyor itaba ndor, Ishor bong, Nyen na ayor lem ijom njendegedege gara na ireror na ngor igol. 6 Ngha ntega Christy mbor kor idi ifangha nji igalor nnob, jol na aba gor reror fefene abagor reror nyenyeme ka, inononb ukono nyor, Nya ireror ka atengtenghe ukononyor. 7 Ngha njolor ngbogormbarr ukono nyor ika ber ti fun nshodor. ijolem kpe ba foni ifan, ka ukono nyor igbobolo-ibal. 8 Ngor na Ishor, nyenor ilam ngho idi ane, abong, bree atu ikpe baga, ngha Ntol yor bong, igara nti mer ba leme ukono nyor nfenfe, ne itek Isreal, ne itek Judea. 9 Inemba jolor na ukono nyor, mbi mer nlemor ne anepkol bor, ngho ufonfon bi mer ntabor mbor ngor abor, nogor nyege bor jok shaga ndege Egypt, tep ne nan mbor mam bom ukono nyor bama kpekpe fefene nyene na ika kpelor ifan nayor Ada bongho 10 Ngha ukono nyor fonor bingha, Nji mer mba leme ne itek Isreal, igara nti atu nya iber shang, bong Ada mer ba kaga mbene yama ngho ntem mbor fefene mba nyonor ngho ntem bor. Mer ba jolor Ishor bor, fefene mbor ba jolor ane bama. 11 Mbor nem kpele fel neh nkultek, ne fel ne ngbanyen, ba bong yei Ishor. Ngha mbor waa iba mer nyege kpel ngor wer leke ji regor wer fulor. 12 Tep ne mer, mba fonor uyen mog ka nleme abebe bor. Ne abebag bor, mer nem ba boroh kpemkpem. 13 Ngor ukogo ukono nyor mba, mbi nfemfe, Aba reber mgbor mbarr ukono nyor na nkokolo, fefene nti na iber kol ngor itembaga, igara teke iba shenghe igara.