Ikpak 7

1 Ijolor Melchizedek ja Ntol Salem, udim Ishor nji galor fu, wer tobor Abraham mer kuror ngor idi yole uyam nji atol, fenghe yege iya. 2 Ijol ngor ka na Abraham kalor ijom njereng ngor fel ijom igol. Ngor ngbor mbarr nyangha ba jolor ngor mbeng; iyenor ne Ntol nyeme dedede, ngha fefene akpe re Ntol Salem, nji ijogor ne Ntol tere. 3 Ayolor, afornem nde, afornem nyen, afornem akokolo ane, afi igol iyege totor atu afi ikukulor ikpen, ukorkorbulob mbor afongho mon Ishor. Tep ne na ajolor udim ikpen nti ika kpelor ikukulor. 4 Nyen na nenom nya fulor ji re, wer nji nenkol Abraham, kale ijom njereng ngor ijom igol, mbi atabor ngor ita. 5 Ibene ishebeh Mon Levi wer nji kolor itaba udim nogor ayor kor mbaga ngor idi ane mba ireror ba ngbanyen bor, jol na mbor fefene ireror aborn Abraham. 6 Ngha Melchizedek wer nep yer ka yoror ngho idi njar, yor ba kor mbaga ngor idi Abraham fenghe yege iya, wer ji fonor ukononyor. 7 Ngha ntene rane ber ne nyor teker yor foniya ngor idi ne nyor fulor. 8 Ngha ntigha ane wa mba, iba shenghe ngor mbarr iku njor kor mbaga. 9 Ngha mbongho nya Levi wer yor kor mbaga, Ayor ba ka mbaga shengor Abraham. Tep ne nan Levi yobor ngor ngoji 10 ane ber nkolkol, ngor igara ti Melchizedek nyemor Abraham. 11 Ngha ken ber nobor jolo kperengsheng ngor (Adim nya iyoro ngor ibugor Levi) (Tep ne shengho ntor, yor ane ifonor ibene) Ba ikpede mbarr, yol ba jolor nogor udim mbandege kper jok ngor igara Melchizedek ikalobor jol igara Aaron. 12 Ngha igara nti itulor udim ibor yangha mbene fefene iba yangha. 13 Tep ne wer nji mbor ber bong abaga nya waa gume, yorr ngor ibugor njendege, ngor idi nyondegedege kabor titor leme ifangha ngor ateng itaba ikorbashi. 14 Ngha na kpol iyor ngor Judah, ngor Ntol yere mbor bele. ibugor nji Moses ka bor ti kokok gara ngor Adim. 15 Nti mber bong ire kpol njolor udim mbendege jokor ngor nfonghon Melchizedek. 16 Ijolom gara ngor mbene ngoji, iborr afi ndege, ikolor leme ajol udim, ukorkorbulob mbor, ifenghe jolor ngor ikor ikpen nti ika kpelor ikunkpok. 17 Tep alom iyene ntenshe kae, Wor are udimikpen nti ikakpelor ikumkpok gara ngor itulor Melchizedek. 18 Gara ne mbene nyi itogor jol, ibe nongho ngor ubang tep ne ire ikekerr-ikekerr ifenghe kpem ifan. 19 Tep ne ibene fonor iyom lem ijom-jom nji inobor, ngho inonob ukono nterr iba baga, shengor na uba yor ba kolor Ishor. 20 Tep ne ijolem ber itonem ne ntere, mbagor ijolor Adim, nya ntere nyendendege ka jolor. 21 Nya abala ba jol udim igara nti Ishor balor ba bong nene, Ntol ber terre anem kpe yangha item te, wor udim ikpen nti ika kpelor ikunkulor. 22 Ngha nta fefene Jesu ber ka igara ka inonob ukono nyor. 23 Adim nya imennimine iror feb ngor nfala, Tep ne na iku ilemor bor nogor mbor ti tum mbok-bork ne ifangha. 24 Ngha tep ne Jesu kpel yor nene ngor iken nti ika kpelor ikukulor afonor iken udim nti, iti ba fonor nyangha. 25 Ngha fefene amal ba nogor waa, mba kolor Ishor sheng ngor wer, tep nene ngor igara ntendegedege ayor yeme kabor. 26 Ngha ijolor ngor itembaga, fenghe gara mber ufon nkok igboro udim mba. Wer nji reror gbol aka kpelor alam wele wele fenghe yab shaga abebag fenghe yab yuro ngor ikun-iborr. 27 Ayomshep, na igboro udim nogor ayor yala nyala fel ufomfo, ngor igbor mbarr ka abebag ye, kum regor nkpel iyereng ka waa igara nti atabor ijiber yala-nyala. 28 Ngha ibene, iyege na anebkol Adim ane mba ikpelor atenshe. Ngha ilom ntere, nti na ibalor tonor ibene, ibal-ba yege mon, nyor iber lem kpekpe ngor ikpen nti ika kpelor ikukulor.