Ikpak 6

1 Ngha ntega, nogor uyagabor ngor iyege itulor itom Christy nogor utom mbok-mbok ngor afufogor. Uti kper bom, ibom tolor ngor utoror abebag ngor ifangha nti ika kpelor ikpen ne ntama ngor idi Ishor 2 afi ibom tulor nkpele gara uworo alep, ukono abor, nyeme jok ngor iku, ne nlama ikpenti iku neh nlama ikukulor. 3 Wurr fufeneh uba leme nta njolor Ishor tamor. 4 Tep nenan irem kpereng ka ane mba iber to yen irana, mba iber tor yongho nkaga ikun iborr, mba itogor fon mbaga ngor innonop ufu, 5 ne wer kpelor yongho annonop alom Ishor, ne ikor ukol nti mer ba ngor mbok, 6 ngha ntega yonor gbolor jok, irem kpereng nogor akpe mali fenghe nebor ba ngor nnobor. Nta rena, tep nenan mbor yolo mon Ishor ka ijibor fenghe, ka-e ndon ngor nfam. 7 Ka ndege nyi yor wor alip, nji iyor korn iba ngho, fenghe bel ate, nya ikpelor ifan kabor, mba ndege fornor lemor ifangha kabor-ngha, ndege nya yi kolor inya ngor idi Ishor. 8 Njolor itunghor ajonghor ne nya ika nobor, uyen areh ikpem ifan fefene irekulor ito. Ikukolor je iregor nlolo. 9 Ngha ntega wurr uber lama gara atentengha abaga gara, wor nji ayor korr wurr, abaga nya yero gara nnogor, ijol, ijolor be uyor bong na. 10 Tep ne Ishor yom shap nlama ane mba yeme ifangha ta, ne ikorr nti atebor ngor mbeng ye, tep ne bree annonop ane ber, ate kpe kpi bor nrogor. 11 Wurr ukpi sheber nogor ijol nadol, na fel ne ba tebe na amer shep ijol ji rengor ikukulor iyor nji alomer ukono nter ba ijol ijom ji ireror. 12 Nta irena iyor nji ati ba jolor ntonfa, aba jolor ne yor be lemer ngor idi ane mba ngor ntama ne tere mbor ber li ibone ukono nyor. 13 Igaranti Ishor lemor ukono nyor ber ne Abraham, atere ne iji ber, tep ne na nyor fulor shenghe nyor aba tere ne mbeng ye ka reror. 14 Aba bong , "me nyaba yege inya fenghe ka nnep nyi roroe." 15 Ngha mbarr nya Abraham kor nto nti ikonor nyor, ngor na ashenghor tere. 16 Ane yor terr ne, neyor fulor shenghe mbor ba fornor. Ngor fel ikukolor alem bor, ntere bor jolor na itembagangha. 17 Igara nti Ishor balor ba tobor ber wer tep kpol ka nlege ibon ukono nyor nbi ika kpelor nyangha nnobor ntobor ye, atama ne ntere. 18 Alame nta iyor nji ngor ijom ibalbi ka kpelor nyangha abodo, nya ika yeror kpereng nogor Ishor kpam umumala, wurr, wor mba mber bok tum ngor nnogor, uba fonor, itungboknyam item nogor ufele kpekpe, ngor ukono nterr nbi iber joro bom wurr. 19 Ukpe ntingha, na ngomo ne ukono nterr nfele ngor ufu, ukono nterr mbi iyelor ngor ateng idi ngor njem mbomor mbo. 20 Jesu nyon wer gbolor mbarr kawurr ba yel ngho idi njor kum wurr ashi ba jol nenkol udim ngor ikpen nti ika kpelor ikukulor gara na Melchizedek jolor.