Ikpak 10

1 Nna ibene ireror utugor ka anonob abaga nya ibabaga, abaga fonor yangha shang ijolor kpurr. Ane mba ijenor kleh Ishor inum malba jolor kpekpe ngho nyal nyor nyireng nyi Ntol udum jolor yal fel irah. 2 Ika jolor ngho, mbor numba yagabor ngor uyala nyal fonor? Mbor jol ba rogoh anemba ijor kae ntege ishinghe ntireng mbor numkpefon nkine ibene inyindendege. 3 Ngho ayal nyangho ukpe mboroh gum abebak fel irah. 4 Along alom ufong nya mbobeh yigeh afin ne along ubol imimalba taba abebak. 5 Igara nti Christy balor ngha mfam, abong wun shebum uyal ne nkaga na wun bah lok ngobji bomme, 6 Na nkaga ntebeh ne nkaga abebak kakoror wun. 7 Mme mbong, yen, mme nrengha na ibeyon gum meh ngho ikpukpre akpaga nwerr mbe nlem na ikorah. 8 Igbogor mbarr, abong ijolor nyal afi nkaga afi nkaga waa nyi mbor terbor gor ngon, afi nkaga ibebak inyi korroh wun. Afi mbor korr wun korror. Ayal nyangha ya mbor kak tonor nne ibenneh. 9 Abong, "yen, mme ngha mme nogor nlem na ikorra." Atap mgbogormbarr nlem inyor aba kogor nleme igbobolo ibal ba. 10 Shengor na ikorah, mbor wurr tab bak nyal ngor nkaga ngobji Jesu christy nkpel nyereng ka waa. 11 Fel ufunfo Atol udim waa ijor yemeh fenghe le nfangha teh ka Ishor. Akak nyal fonor joroh kpeh joro ayal nya iyitimal ba taba abebak. 12 Igara nti Christy kagor nyal ka abebak nkpel nyereng ngor igara waa, abumeh ngor uboblom Ishor. 13 Akpi shege tetete aneb ujing beh ibajolor idi konakpada yeh. 14 Ngor nkaga nyereng abor lem kpekpe lomogor ikukle mba abebor roh. 15 Ufu mbi kporong fufor ibong kawurr. Igbogor mbarr, abong, 16 "Ukononyor mbi mme mba leme nebor bi-ngha atunyangha iye-sheng, Ntol bong mme mbabor kaga mbenneh yama ngho ntem bor, mme fenghe babor yonor ngho ntem bor. 17 Ngha abodo, abebak bor nne ugbogor ibenneh, mme nukpeba borow" 18 Ngha ntega ngor idi nji ubaga abebak ireror ka abaga nya, ukagah nyal ibebak ikpen reh. 19 Tep ne nor, agbayen bama, wurr ukpe ukono nterr nogor uyal ngor idi igalor reh kporong ngor along Jesu. 20 Ijom nfemfe ne na ilagor nogor mbor neneh nyi abe rubeh ka wurr shengho ijarr mbomor nyor, nti ngha, tep ne ngobji yeh. 21 Ngonan wurr ukpe igboro Ntol udim nyor reror ka iterk Ishor. 22 Nogor wurr uleme ne item nti inobor ngor ukononterr ntama, nogor ntem yireh ijol gbol shaga ishashab ntobor fenghe roh agobji yireh ne awewele alip. 23 Nogor wurr ufeleh keg uti nenghe ngho ukono nterr mbi ume bong gum, ne nyor ye kononyor kpe ntama. 24 Nogor utobor na uba tebeh aterm attinne ngor ikorr ne inonob nleme. 25 Nogor wurr utegeh yor jol ne ateam na mbandege ibe lem. ukorkorbulombor fon wun atunor ka ateam dol, na wun be yen ufumfo immeh jen ba ikpedikpet. 26 Iyejol mbeh wurr uyene nshi ngor uleme ibebak igara nyi wurr ube fun ukinabaga itembaga, nyal ngor abebak numkpe ba jolor. 27 Ukorkorbulombor, ibajolor nlamanyindege nyi maba ne ubol, ne igboro ngon nyi ba lolow aneb njing Ishor. 28 Nne ndendege nyor tenor mbeneh Moses yor kpor iku nti ikakpelor imok ngor ntoror ane abal, afi nyener ane ara. 29 Nna nor yor attobor wor mbe akanya iba jolor ka ne nyor berungho nkpele mon Ishor nyor tabor along mon Ishor na ikakpelor ifan- Along mah iroror abaror fenghe toh ufi mbaga? 30 Tep ne wurr uyiye neyor bongho mbe "Ugalikon ireh ka meh; mme mbagala" Kpebodo, "Ntol ba leme ane beh" 31 Ijom ubol bi nogor wun gboyel ngor ubob Ntol Ishor! . 32 Yor borow atu nya imininmine, igara nti wun funor uyebitem, na wun bobor iteam ngor akanya. 33 Wun funor unyogor ngor ammerr ane ngor ntoh ne akanya, fefene wun yol jolor idi njereng ne ane mba ijolor nyen nkpet akanya ngha. 34 Tep ne wor afunor imok ka ane mba iyoborngbagobor, wor afenghe tama ne uyebitem na mbor tarror abodo ya ngor ikor. Wun yileh wun arehwun ba funor wun funor inonob ne abodo nya ikakpelor ikumkpuk. 35 Ka wun roh ukononterr benne ngor, mbi ikpelor igboro nkaga. 36 Ilaga nogor nti wun ye leme ijom nji iyor korr Ishor, wun bakogor ijom nji abe wun kono nyor. 37 "Ngor mon igara tekeh, weh nji meba babaga anemba runghe igara. 38 Inonob ne wama ba nenne ne ntama. Aye fenghe njim, iteam ininbame yebeh nenne." 39 Wurr nkpet anne mba njor kpe fenghe ba leme abebeh shang, wurr ushum anemba ikpekpelor ntama bor fenghe bom afu bor.