Ikpak 11

1 Ngha ntega ntama yireror abodo nya umesheb, ukabayen fenghe kononterr na ubayeneh. 2 Tep ne na itama, akundege ifonor teng tenghe igum. 3 Ngor ntama urenghe wurare Ishor leme nfamya ngor ibong, tep ne nan nti uyoryen ilemem jok-ngor abodo nya uyoryen. 4 Ntama yiwedoka Abel kaor Ishor iteng tenghe nyala shenghe Cain, shenghor yor mbor yonghe yen na areror dedede, Ishor bong anonob gumeh tep ne nkagaye, sheny nghor ntama. Abel kpekpi bongho, jolna abekpor. 5 Ntama yiwedor mbor tabor Enoch akauenor iku, mboryeni-nme, tep na Ishor tabeh. Nogor mbor kumetab, itorogara na alemor ikorr Ishor. 6 Ngha akafonor ntama inemba jolor kpereng nogor alem-iyebi Ishor ilelak nogor neyomeba ngor idi Ishor tege batama mbeh ajijol fenghe jol nruromor anemba iyor janghe. 7 Ntama yiwedorka Noah, nyor mbor kale iten tenghe itom gara abaga nya ukabetiyen, ne nkaga Ishor, ri ugbang alip nogor anok aneb-ikantekje waa. Na alemona, abafele mfam ronghor fenghe jol nlegibone uyeme dedede tonor ntama. 8 Ntamaye wedorka Abraham, igara nti mbor koge, fonor nkaga fenghe jok tum ngor idi iji abalege ibone. Abajok tum, ayelem idi nji aferor. 9 Ntama yiwedor amalor nenena njeneh ngho ndege nyi mbor kone nyor. Anene ngor ibuburor ne Isaac ne Jacob, mba ibangho jol balegibon ngho ukono nyor. 10 Ngha weyol bree fenghe ngor ibugor nji iyege itulor, nji gbegbebeh ne ba nyoryorgor ireror Ishor. 11 Ntama yiwedor, jolna Sarah fonor jolor ngom nenkal, yorwedor Abraham fonor-ikor jol nde mon. Nta ijor, jolna agalor kol, felna mbor yene na nentama neyor mbor kale ukono-nyor. 12 Noyo iwedor, sheng ngha idi nenomwa nweren-na ishagor teke nogor akpor-bel neb nyiroror na arugor ndo ngor iborr ne ibubu ngo nkpaya nyi neyitimalba fala. 13 Ijolor ngor ntama yor mbawaa ikpelor mbor kakolor ukono nyor. ukorkorbulop mbor, nji mbo beyen fenghe yen fenghe yor kagbor nyor ngor fel, mbobatama mbe mbor ajene mba mborkamor bor ngha ndege. 14 Ka anemba iyor bong mboro abaga nya tabegbol na mborsheb idi nenene. 15 Jolor mborme tobor gum ibugor nji mborbeh jok shaga, mbor yelba fonor iyaga nji mbor ba fenghe. 16 Na ijolor na, mbor kpi shebe iteng tenghe ibugor, nji ireror, ngor iborr. Noyor iwedor ndon kalem Ishor nogor akoge ne Ishor bor, jolna akabeti joro ibugor gbebor. 17 Ishenghe nghor ntama yor Abraham, igara nti mbo yoghe tabor mone Isaac ka. Ajolor mone nenten nyor akale, wenji bekor ukono nyor. 18 Abraham yor wedorka mbu bongho mbe "shanghor Isaac nebya mborbabor goroabeng." 19 Abraham tabor mbeh Ishor yor yebor Isaac, ne ngor igan-mbongho, ngho ubobor yor akole fenghe. 20 Tep ne ntama gum abodo nya ibabaga yor Isaac yegor Jacob mbone Esau inya. 21 Ntama yiwedorka Jacob, igara nti amekpo, yegor felmon Joseph inya. Jacob fon ntege na ayegor nghor iborr itete felubor. 22 Ntama yiwedorka Joseph, igara nti ikukulor ibekpet, bong gara na abon Israel shaga Egypt fenghe tagbor gum akubye. 23 Ntama yiwedorka Moses, igara nti mbor bele ba nde ne nyen itabe shele ngor amerr ara tep ne mbor yenena inonob mon. Mborbelem ugban Ntol. 24 Ntama yiwedorka Moses, igara nti abefu tenor mbe mbor tier kok ne mon mon Pharaoh ngor nenkal. 25 Ayege ijibe nogor ayen akanya ne aneb-Ishor shenghe na abalege nobor abebaga ngor mon igara. 26 Aba tobor mbe ndon utonor Christy igboro inob shenghe iteng tenghe abodo Egypy. Tep ne ayokono amerr ngor nsheleye. 27 Ntama yiwedor Moese tumor Egypt shaga. Abelem uyamtem Ntol, abobitem na anyen neyor mborkayene. 28 Ntama yiwedor agbelor ikag nshenghe shaga ne uduk along, iyor nji bayolo agbor mbarr abon iyitibalaga agbor mbarr abon Israel mba aneblom ubor. 29 Ntama yiwedorka mbor jenor sheng agboro aya ne ntete are aborr iyomyom ndege. Igara nti aneb Egypt ikanor nogor mbor lem na alip imelebor. 30 Ntama yiwedorka igegre Jericho igbolor, igara nti mbor jenor shebekaga ngor atu arimini. 31 Ntama yiwedor Rahab ne akpara kakpolor ne aneba ikao-kak ane, tep ne akolor neyorbalorba jeng-yen ne tere. 32 Ntenti nkpeba bongho? Igara inembajolor lake jolor ntorogum Gideon, Barak, Samson, Jephthah, David, Samuel, ne gum bayene amerr. 33 Shenghor ntama iwedorka mbor taraibugor Ishor, lem anonob fenghe kor ukono nyor. mborbolo ayorb ugbe, 34 Neme ikor-ngon, wele shaga nyob ugeh, idi unobor-ayam ifulor ngor aberr, fenghe shanghe ajen-ne ashoja. 35 Anebkal ikor anebor mba-ibekpo fenghe ngor uyimejok idighol, mbagor mborkagbor akanya, yorlem tama uyege yagabor, tep ne nyegegum uyenejok idigbol. 36 Mbagor ifonor nyegho ngor nyorgor ne afibi, fenghe gba kag-ngor ngbagorbor. 37 Mbor tob-bor atal. Mbor yerrbor idi ibal. Mbor yolbor ne ugeh, mbor yojenshebe akpakpaga ujoror ne akpakpaga ubol. Mbor gbolor akanya, jol akanya, felebor na ikalagor. 38 Mfam kpembor fon ifan fel igara mboyol jene shebe ayele-ayele ngor ikankan ifu ne ngol, ne ngor afok-atal ne mbarr ngor ndege. 39 Jol na Ishor yegor anemba waa, tep ne ntama bor, mbor korlem ukono-nyor. 40 Ishor lamah anonob abodo kawurr, tep ne ikajolor wurr, mbor nembaborlem kpekpe.