1 Tep ne na, jol na agboro agbugbodo ntenshe ibe wurr shebe kag, ugbe wun nkpa ikor ntindege nti imalba wurr nyede fenghe shem wurr kag abe bak. 2 Bawun mogor unara nterr tobo abel nya inonghor wurr gor mbok. Urangha wun Jesu atong, we nji reror nsheshebe ne njororo ntama. Ka uyebe item mbi inonghe ngor mbok abob item ngor ijarte, jol ngor ndonyeh fenghe beme ngor uboblom ite utol ishor. 3 Nghantiga, tobor wun gume wenji be tama nkuk ntene nyor ngor igom belem abebag gum ijibe nyor itibawun ijege ngor ntem ijine wun yaga abor. 4 Wor wunkatege mali tene afi nuror gum ibe bak lomo ngor iyaga along. 5 Wun fenghe yene ukaga ikor mbi ilemor wun na "abon aneb lom." Monama, ka tobor iyagarriya yarr gumnjoro Ntol afi akerr ngor igara nti aba joro." 6 Tep ne Ntol yor joro we akpelor ikorr ka-e ne kag mon nyor akole akanya. 7 Tabwun uyen akanya na ujorogbe, Ishor yolem wun na abon aneblom. Teb ba mon nyor nde kayor rege? 8 Tep aye jorl ti fon nrege, nya ane waa ishumor, wor asheghim nfala ne arem abon be. 9 Kpebodo nghor, wurr ukpe are ane mba iyojoro wurr gbe ufenghe kag bor ijolor nor nanor uyitiba tab ijibere ka ushuwere ngor ufu ne ikpen! 10 Ba nshuwere ijoro wurr gbe ngor mon igara nti nbortorbor kpekpe. Ngha Ishor yorjoro wurr gbe ngor inonob, nyonji jolor nene ngor ujologbol be. 11 "Ujorogbe nji ndege iyorm yebene ngor igara, iyoryam lele. Ngor mbok iyo tongho atentenghe amorgo ite uyeme dedede ka ane mba mborbe bor kpele gara nghor. 12 Tunor wun aboryene nya ikpagor wungho ne akekerr arong yene. 13 Tene wun abarr ka akpada yene, nyonji abunor iyibati leme ajom nbor fenghe norb. 14 Kam wun ne we nji ndegendege ne ujolor gbol, tep ne sheng nor shaga nene nem nmayen ntol ada. 15 Kunwun nyor igrasa Ishor iyitiba wun jege, nyor nji ilolol nrok nji ndegendege iyitiba gaga sheb ilam, nyor nji iyitiba fele anefeb ronghor. 16 Kun wun nogor wun tifon ishashab ibene ulem akpara ayele ayele afi nba ika nyilor Ishor, nboro Esau, nyor ngor ikpenghe ijomlili njereng goror ukol be. 17 Wor wun yeji wun are, igara nti ashebor nogo aji lee ibon nbaga ye, mbor tene, tep ne afoum igara nti aba nyene imog, jol na ayolor sheb ne abibi. 18 Wor wun kaba ngor igal nti nborkama laga abor, igol nti ngon iyor teb, ijenghe, beberi ne nfeng. 19 Wor wun kaba ngor idi ntang me yorr, afi ngor idi ilom nti imebong nbong nyi ba yok yogo imogoror mbe nbortikpe bong nboro nbong nyor kabor. 20 Mbor mam bob item ngor nya nbor kalobor ikor, "Jol nyamye lagor ijol abor, nbor tigi yebe tob atal." 21 Moses bong mbe nyene nya kpe ubol, "Me nkpi begi ubol fenghe yorkob shag shag." 22 Ukokobulob nbor, bawun nga igol Zion ne ngor ibugor Ishor ikpen, ikun iborr Jerusalem, ne igol ngor igom atitil nkpel ibal ne atil igol barogor itom Ishor nba imegere. 23 Wun buba ngor igom ba gbor mbarr abon, mba nborbe bor kag abeng ngor iborr. Wun ba tab Ishor nlalama waa, ne ka afu aneba iyemo dedede nborbebor lem kpekpe. 24 Wun bubatob Jesu, nyor yemor ka ukono nyor nfenfe ne umede alon ma ibongho nob shenghe along Abel. 25 Bre nogor wun titen neyor mebong. Jolor nbor kawelor igara nti nbor tenor neyor nyamor bor ngha ndege, noyor ubangha ba wele jolor uyeshebe shaga neyor me wurr nyam ngor iborr. 26 Ngor igara ntereng, ilomte ineghe ndege, nghantiga abukono nyor fenghe bong, "kpebodo nghonkpel nyerng, me nim ba neghe idege yiyi, iborr fufor. 27 Mbong nya, ishenghe ntereng bodo, ijogo nbeh uyege abodo nya imalba neghe, ngor afonghor, abodo nya nbor lemor, nyonji abodo nya iyitimalba neghe ibashaga. 28 Tep ne nor, ukogor ijar nfam nyi ikama neghe, ufon uyeb item nogor iteg Ishor ne nkaga ne utanikor 29 Ishor gere nyor reror ngon mi iyoteb.