Ikpak 13

1 Nogor ikorr ugbanyen ishong mbok mbok. 2 Kawun yene uromor ajene. tap nena anembandege ibu-rormor adengeri mborkunem. 3 Borowun anep-ngbagobor are-wunyob nebor. Borowun ane-mba mbomebor kag akanya, na ayebor ngo ngobji boh. 4 Fon wun nkaga ka nbal yene waa, gbewun adinong nbal yene kporong, Ishor balama ane-nba iyor yorm ayele-ayele,ne alom aneh ne akal aneh. 5 awun fon nbene-ikorr inya wun kpelor ifu-wun, ishor fonor bubong,"me nemtege yaga-abor, afi nden-wun." 6 Nogor ifu wurr nogor ufa-ikor yor-bong, Ntol Ada yor reror nkal-ubor yama, meh-nimbabege. 7 Ba-ijom nemalbameh lemeh?" Boro-wun atobshi- yeneh nba-ibongho nbong Ishor kawun, boro-wun nti-ijolor gum nbene-bor. Lemewun ntama-bor. 8 Jesu Christy rekredede iyana, ilela ne-ngor ikpen-nti ikakpelor ikokolor. 9 Kawun tum tonor nkpele-nyi wun ka yelor. Inonob nogor item ifon atunor ngor igraser,ngor ijomlili-shang iji-ikakag ubor ka anemba iyo-jen-gara nghor. 10 Ukpe idi-nyalayal nji ane- nba iyor-rougor ngho itaba-ikobashi ikakpelor ikor nogor nbor-li. 11 Tap ne along uyam-nbi-nboyolor ngor abebaga atol udem ikokor-ba ngor idiwelewele gbol, fenghe yortep agibji-bor igor-idigbol idi-nbokonashi. 12 Fefeneh, Jesu bangha yene-akanya ngor idigbol itelok-ibogor, iyonji abayege ane inya shang ngor alom-meh. 13 Ujok-wun jitobeh ngor idigbol nogor uyor tobor gum nden-ye. 14 Wur-ukpem idi-ijere-jere ngha. Ukukubulombor ukpibere nwereng nyor imeba. 15 Shengho weh, nghantiga, uyor-kag nkaga ntege Ishor, ntege nyi-reror mogorte ikpabele-nyor ngor nreghe nbeng-yeh Wurr utiyene uleme-anonob ne uka-atem ubor, tapne nboro nyala nyor-yi iyorkorr Ishor. 16 Fon wun nkaga, nogor wun fenghe ne ijibene ka atobishi yene, nborba iyor-gom afu-yene na aneb-nba ibatoro-gum. 17 Fonwun nkaga inyoji atobshi yene ibaleme nta ne igere itijol ne mmumor nyi ikakpelor ifan-kawun. 18 Ndor kawurr, ubutama wurr-are ukpe iwewele ntobor ne=na umesheb nogor unene itenteghe ikpen ngor abaga waa. 19 Meh nbuwun ka-atonoh nogor wun-kpelem dol na, iyonji ngolba fenghe batobwun. 20 Ngha-ntiga, Ishor tereh, nyor fenghor-ne igboro ujoro ngor iku-ba, Ada jereh Jesu shenghoh ukono-nyor nbi-ikakpelor ikukulor. 21 Abuwunka ijom-njidege nji inobor nogor ukor lem ifanya-teh, lem-ifangha ingha idijere nyorkore, shenghor Jesu Christy, nyor ntege reror-kai lomo-ikukulor nog-ijolnor. 22 Nghatiga meh nbuwun ka atonor, agbayenbama, nogor wun fele-nbong ukaga-ikor nyimeh mbe-yon togor-wun. 23 Nyi wunare ngbayen Timothy nborbeh yaga-abor, sheng-ngor weh meh- nbawun iyene ayegol-ibaga. 24 Kagwun atobshi bene-nyor waa ne aneb Ihor nba ireror welewele. ane-nba ireror Italy kpewun kaga nyor. 25 Nogor igraser ijol nenine waa.