1 Nna ndah igole ne ini ishengho mme nkpetum ngor Jerusalem ne Barnabas, tap Titus tum nenama. 2 Mme ntum ngor iborr tep ne nrube alom gbole nya me ntoror ka annep Gentiles. Me mbongho ukplu ukple ka anne mba ikpelor ifan, nogor ikotep mbe me numor toboh afi nkatoboh nnor ji. 3 Titus nji jolor ne Greek shang jolor nenama, mbor nureh nogor ayangha ibene. 4 Ba ngbayen bure mba ikolo torror itembaga iwele ba bure ikor nti ukpelor ngor idi Jesu Christy. ikorr bor nogor mbor leme wurr ajoh. 5 Wurr utamum tugebor ngho ngara nyor, iyor nji itembaga utorror alom ibajolor nenine. 6 Ngha mba ireror nna mbor kpelor ifan mbah mme mbongho, mba ireror nna mbor kpelor ifan ibodim mme ijomjom. 7 Ishengho shaga, mbor yen mbe mme nkpe utoror alomka ane mba akabotiyangha, fufor, na Peter befon utoror alom ka mba ibe yangha. 8 Na Ishor, lemor Peter ntoror alom ka ane mba ibe yangha, aleme ifangha nenama fufor lomo ngor idi aneb Gentiles. 9 Ngara nyi James, Cephas, ne John, mba ibe jok abeng nna anepkol, irenghe igrasa nji mbe fon, mbor fon ukagubor njolor ngor idi njereng ka me ne Barnabas. Mbor tama mbe wurr ushong ngor idi aneb Gentiles nogor mbor 10 shongor idi ane mba ibe yangha. Mbor bongho mbe uburor anep akanya, ijom nji me njolor torbor nogor me nlime. 11 Ngara inyi Cephas balor ngor Antioch, me nfabe ngho ushimerr be ngonan ayeme ka nrughor. 12 Nogor ane mbandege ikum yurr ngor idi James, Cephas jol lili ijom lili ne anep Gentiles. Ngara nyi aneplom mbagha ibalor, atum anep Gentiles shaga. Afon ubol ka mba ijolor shep mbor yangha. 13 Fufor, anep Jews mba ishagor ibaga shime ngor udangha. Barnabas fufor tumor itembaga shaga tep ne udangha bor. 14 Nna nyenor mene nnene bor numor jol gara alom itembaga, me mbong ne Cephas ngho ushimirr bor waa, jolor wun yuror Jew fenghe jor nene na Gentiles, nanor wun ba nureh anep Gentiles nogor mbor nene na anep Jews? 15 Wurr bafunor a Jews ba na mbor belor wurr, wurr anep abebak Gentiles shang. 16 Wurr uyi na nnendegendege ka reror kpekpe ngor nfangha gara ne ibene ngor ntama Jesu Christy. Wurr fufor ubutama tuge Jesu Christy nyor wurr uba jolor kpekpe ngor ntama nne Christy, ngor nfangha ibene shang. Ngor nfangha ibene ngobji nyindege ndege numalba jolor kpekpe. 17 Na ilagor nogor ujol kpekpe ne Christy, wurr fufor ubaga jolor anep abebak, Christy yor jolem ibebak ga? Norshang! 18 Mme nye juro abodo nya me nfelor rungho, me nfede ilama nna nreror nne abebag. 19 Sheng ngor ibene me nkpolor ngor inene, nyor me mba nene ka Ishor. 20 Mme mbor mekomlag ne Christy, me shang mbe nene, Christy yor be nene nenama. Ikpen nti me mbe nene ngor ngobji me nkpi nene ngor ntama ngor id mon ishor, nyor kpelor ikorr tama fenghe tap ile kame. 21 Me nkatap igrasa Ishor bom ngor nkpa, jolor amalba funor nnobor ngor ibene, Christy kpolor ijom jom.