1 Galatians aneb udam! Yonor be wun term? Ngho ushimerr beneh gbole yor mbor komor Jesu Christy. 2 Ijom jah nenting ji mme nyagor kpele ngho idi jinneh: wun fonor ufu tep ne nfangha ibene afi ngor nyogo alom Ishor? 3 Ayor dam nnor? Nna iyigu itulle ne ufu, ngha ntiga wun kpikogor ngobji mallah? 4 Wun bu yen akanya ngor abaga noji, ikunor jol mbe ijogum ijom jom? 5 Nne nyor jor ka ufu ne nfangha utanikor ngho igum jine leme nor ngor ngangha mbene afi nyogo ne ntama? 6 Nna Abraham funor ntama ka Ishor mbor fenghe tobor gume nna nneyor reror dedede. 7 Ngho mbarr nyor fufor, kune are ane mba ikpelor ntama, abon Abraham ba. 8 Nwerr Ishor yene bongho mbe ijom nji mbo lemor ininob ngor ntama, toro alom Ishor baba ka Abraham, bong na, "Nfam waa ba funor inya ngho idi ja." 9 Ngha anep ntama ikpi inya tunor Abraham, nnenum ntama. 10 Uto iba jolor ka ane waa mba ibe kono nterr ngor ibene, nna iyonor, "Uto ijol ka nne we nji ndegendege nyor ka bomor abaga waa nya iyonor ngor nwerr ibene, fenghe leme." 11 Ngha ntiga ire gbol na nene ka reror kpurr ngor ushimerr Ishor ngor ibene, ngornan, "anonop ane iba nene ngor ntama." 12 Ibene irem ngor ntama, "Nne nyor lemor nfangha ibene ba nene tonor bor." 13 Christy yige wurr shaga uto ibene, na ajolor uto ka wurr nna iyono, "Uto ijol ka nne we nji ndegendege nyor kpagor ngor ite." 14 Nyor nji inya Abraham iba baga ka Gentiles ngor idi Jesu Christy, nyor ngor ntama wurr uba funor ukono nyor ufu. 15 Ba ngbayen jama, nogor mme mbong ngor ntobor nne, ngara nji ukono nyor ibe jol ngor ibene, nnene yumalba bomo ngor nkpa afi abodo. 16 Ngha ntiga, ukono nyor mbingha ibongho ka Abraham ne adescendant ye. Ibongho mbe, "Ituge nnep" ijogo ngha ireror feb, tep neh nor, ijol ka nne wureng, "nne nnep ya," nyonor reror Christy. 17 Ngha ntiga, ijom nji me mebong ire nna; ibene nti iballor nji nda-430 ibe sheng, ibomum ukono nyor mbi ijolor ne Ishor ngor nkpa, nogor ifele ukono nyor fodo. 18 Iye jol mbe nkogor bala ngor ibene, ijom kpe ba ngor ukono nyor. Ishor ka Abraham ngor ukono nyor. 19 Ba ijom ibene ijogor? ibodu tep ne abebak teteh nnep Abraham ibuba ka nne nyor mbo be kono nyor. Adengiri Ishor ba ilemor ibene ngor ubob nyemi itentenghe. 20 Ntiga nyeme itentenghe ijogo mbe ishenge nne nwreng nna Ishor reror njireng. 21 Ibene irem kpekpe ne ukono nyor Ishor? Irem nor! Jolor ibene ibe jol nti iba kaga ikpen, njolor kporong babaga ne ibene. 22 Nwerr Ishor bukag ibebak nji ndegendege ngor ngbagobor. Ishor leme na nyor nji ukono nyor nnogor yere ngor ntama Jesu Christy imal ba jolor ka mba ibe tama. 23 Ngha ntiga nogor ntama kum ba, wurr ujolor ka ibene nogor ntama kum ribe ka wurr. 24 Ibene nti ijolor kpor wurr Christy kum ba, nyor ngor ntama wurr uba jolor kpekpe. 25 Ngha ntiga nji ntama be ba, wurr ukpem kpe nkpokporo. 26 Wun abon Ishor ba waa tep ne ntama ngor idi Jesu Christy. 27 Wun waa mba wun be wurror alip ngor mbeng Christy, wun bu kag awuror ne Christy. 28 Jolor wor areror Jew afi Greek, njoe afi njoe shang, nnenum afi nnenkal, wun waa njereng nji ngor idi Jesu Christy. 29 Jolor wor areror nyor Christy, wor ayob ngor ep Annbraham fenghe li ibon ukono nyor.