Ikpak

1 Paul, ntontule, ngor ikor anne sheng, tonnor Jesu Christy neh Ishor Ada nyor yimeh ngor iku, 2 neh agbayen ber waa mba ireror nenama, tumgor akorbshi nyagor Gakatia: 3 Igara cia jol nenen, fufor tere ngor idi Ishor nshuwureh neh Ntol Jesu Christy. 4 Nyor tabor iyorji ujiber ka abebeh yere abawuri yige shaga asha-shab abaga ngha igara nta, nah Ishor jire shebor. 5 Ntige jol kae regor ikukulor nogor ijolnor. 6 Ikpe meh tanikor nah wun mewarrah tum neh nyor kokgor wun ngor ntobor Christy. ikpi meh tanikor nah wun metonor allom nyandege. 7 Irem mbe alom yagor iregor, ikpe ane mbandege mba iyagor wun tap shaga alom Christy. 8 Jol ijolor wurr afi nrogitom ngor ikun iborr bala ba taga alom nyandege shenghe nya ube wun kak, itor nene. 9 Nah wurr ube togor bong, ngha ntiga meh nkpepi bong neh nendegedege kpelor ba ka alom nyandege shneghe nya wun bekor, inonob iti jol nene. 10 Meh nkpi shebe nobor ngor idi anne afi ngor idi Ishor" meh nkpi shebe nogor ane iteh meh? Jolor meh meshep nogor nfon ntuge ngo idi anne, meh nrogitom Christy shang. 11 Meh nkpi shebe wun nyi ba ngbayen jama, nah alom nya metoror ikayuro ngor idi ane. 12 Meh nkolom ngor idi neh afi neh yor kpelor meh. Jesu Chrsity yor rubor tep meh. 13 Wun buyok gum nkokulor ikpentamangor Judaism, nah meh njolor yol ikorbashi Ishor fenghe sheb nogor meh nfeleh runghe. 14 Meh nffu ngor Judaism shenghe anne feb mba ujolor igbel njereng mba iyero ngho idi anne bama. 15 Igara nti Ishor nji kagor meh ngo alla nyuwama, nyor kogo meh ngor nnobor yeh. 16 Nah ikore nogor aribe monne ngha idi jama inyor nji meh mba torror alom yeh ka anep Gentiles, meh njilem jibub ngor idi along neh ngobji. 17 Meh jilim ngor Jerusalem ngor idi ane mba igbolo mbarr jol batorror alom kame. Meh ntum ngor Arabia ba fenghe tumgor Damascus,. 18 Nah nda ira ishengho ntum gor Jerusalem nogor nji-nyi Cephas fenghe jolor nene atu ikorr. 19 Meh nyenum apostle nyon-dege ndege shenghem James, ngbayen Ada. 20 Ngho ijom nji meh nyonor tuger wun, meh nimjo kime nkme nkikeme. 21 Meh mbatum ngor Syria neh Cilicia. 22 Akobashi Judea nya ijolor tamma tugehChristy itegum nyi meh ngor ushimerr. 23 Mbor yok neh mbone bong, nenum nyor jolor yol wurr ngor njim kpi toro anonb alom, ntama nyi ajolor runghe. 24 Tep ne nor, mborteg Ishor.