1 Ngha ntah, mme Paul, yor nreror nnengbagobor tep neh Jesu Christy ka wun anep Gentilse. 2 Meh mbu tubor menneh wun bu-yok gum nah nreror ngor igrasia Ishor nji mbor kalor meh nogor nka-wun. 3 Meh nkpi yonor gara nne nrubeh abaga nyi limor kamme nkinor. Itembaga nji imme sheleh ji-ngha meh nyonor tekeh tugeh wun. 4 Ngara nyi wun ye kok ayonor gum ntah, wun malba yige gum meh ngha nshile itembaga nyi reror gara neh Christy. Ngor anip nyagor mbor limum kar abon nenum ikine itembaga njingha. 5 Ngha ntiga ufu ibufeleh rubeh kar batuntle Jesu neh ba-yena merr mba ireror kporong. 6 Itembaga nji imme shileh ngha ireh mbe Gentilse baligi-bone bah fufor neh adi ngobji nyagor fenghe bag ukono-nyor idi Jesu Christy ngor ayeb-yeb alom yeh. 7 Meh njolor nrogitom alom yangha nkolor tep-neh igara Isjhor nji mbor kalor meh ngor ifangha ikoh teh. 8 Ishor kala nkaga nya ka meh, jol nah nriror tekeh ngor igom anonob anep Ishor. 9 Igrasia ibala kameh nogor ntoror alom ka Agentiles afangh Christy nya mbor kao jang nogor ufenghe ko nedege ndege bagor irana abaga nya imeh shileh idi Ishor nji limor abodo wah. 10 Mbor kine ntobor nyi ngha shengor ikobashi inyor ba-bradi ngor ukin-iborr iba yige mbeneh ukinabaga Ishor. 11 Ijolor nor gara neh inonob ntobor nyi afunor fenghe lime mal ngor idi Jesu Christy Ada wureh. 12 Ngor idi Christy wurr ukpeh utune nyor neh ukononterr tep neh ntama yire neneh. 13 Meh mbu wun tak meneh wun fon atoneh ngor abaga nya imme jol nenama tep neh wun ngor itek jah. 14 Tep neh ijom ja meh nkuma rungka Ishor. 15 Nyor ngho idi ji attule nep ngor iborr nrh ndege ikpe abeng. 16 Meh njum ndor meneh aba wun kaga gara afang itek jeh ngor utina kup neh ikor ngor ufu beh mbi ngor idi jeh. 17 Meh njum ndor meneh Christy neneh ngor item tineh ngor ntama ngor iyigitule ikorr teh. 18 Inyor nji wun malba yige, tornor neh anep Ishor wah mba ireror kporong, bajom ireror akpangha, arab, aggah, neh na idulor,. 19 Fenghe yi ikorr Christy, nti ishengho ukineh shaga, inyor nji wun ba fonor nrororr Ishor wah. 20 Ntiga, tuge weh nji malba lime shang shaga feh nya wurr ume-bub afiume-wor, gara na ikor teh imeh lime ifangha nghaidi jereh. 21 Ngho idi jeh ntige jol ngor ikobashi neh ngor idi Jesu Christy ngor anep beh wah lomo ikukulor. Nogor ijol-nor.