1 Na ireror ka wun togor kpor ngor ugbogor mbene neh abebag. 2 Nji atogor yor jen ngor ibene mfam nya ajol nneneh tonnor mbumoh ite kpokoro inim ngor ifufeh, uffu mbi imelem ifangha ngor idi abon nbah ikan bom mbenneh. 3 Nna wurr wah unnenor ngha igum anne mba, ulem tonor na ijor korr ngobji, fenghe jor lem nna ijor korr ngobji nne item. Wurr ujolor abon uyamtem ngor ibene, nna anne mbagor. 4 Ishor fulor ngor imoktep neh igboro ikorr teh na wurr ujor koreh. 5 Ngha wurr ukpolor ngor abebag, aba kun wurr mberr mberr nnengor igom Christy-na wun beh fun nnogor ngor igracia ibanok. 6 Ishor yime wurr bodo nne Christy, fufor Ishor lem wurr ubumeh idi njereng ngor iborr idi Jesu Christy. 7 Inyor ngor ngara inyi mebah amalba wurr tebeh afang nya utimalba gara nyi wurr umebong gum igracia nji njolor tereh gara nenireh ngor idi Jesu Christy. 8 Ngo igracia mbor banock ngor ntama, ntah ibalim ngor idi ja, mbaga Ishor yi. 9 Iyurum ngor nfangha, inyor nedendege tiba gaba. 10 Wurr anemba Ishor lemor, nlemeh ngor nfungho Jesu Christy nogor wurr ulem anonob abaga nna Ishor tobor kar wurr ngor igara njim, inyor nji uba jene nnebor. 11 Tep-ne-nor borowun nna wun ye jol Gentiles ngor ngobji. Mbor kok wun anne mba "ikaboti yangha" ngor ijom nji mbor kok anne "nyangha" ngo ngobji nyi mbor kolor abor aneh lem. 12 Ngha igara nyo mbo taba shaga Christy, ajenne shereh bafonor ibugor Isreal ngor ukonoyor tifon ukononterr nne Ishor ngha nfam. 13 Ngha ngor Jesu Christy, wun nba ijolor, feh shaga Ishor aloung Jesu Christy ibu wun kor ba ikpedi kpet. 14 Weh yor rerorr tereh jireh. Alemeh ibal fenghe jol njereng. Ngor ngobji yeh arunghor ikor ugban nyi ibagor wurr. 15 Ayagabor ngo ibenneh inyor nji aba lime nnenum nwereng ngho ngobji ye, fenghe jol tereh. 16 Christy kak ngobji nyireng ka Ishor ngor Icorss, nogor ugban ikpor. 17 Jeus ba-toror anonob allom nya ireror tereh ka wun ba ijolor feh nne tereh mbor ka mba ijolor ikpedikpet. 18 Ngor Jesu Christy wurr wah ukpe ka uffu nbreng ngor idi nshuwureh. 19 Wun anneb Gentiles wun kpem reh ajenneh. Wun bafuibuge ba nne anneb Ishor mba ireror weweleh nne nneb Ishor. 20 Mbo ba-lime won buba tonor nnah ba tuntulor Jesu nna ba yene amerr, iyegor itulor nna Jesu Christy fonor reror utal ikpen. 21 Ngho idi jer itek wah ireh idi njereng fenghe fu nna idi ndor Ntol nji Kporong. 22 Ngho idi jeh yor wun fufor wun meh lime kak idi njereny nna idi nji Ishor jor jol ngor ufu.