Ikpak 1

1 Paul, ntontulor Christy Jesu nah ikor Ishor, tuge anonob anep Ishor mba gor Ephesus, mba ikpelor ntama ngor mbeng Christy Jesu. 2 Igrasia igol neh na neh terch ngor idi Ishor nshuwureh neh NtolJesu Christy. 3 Nogor ntige jol car Ishor neh ndeh Ntol wureh Jesu Christy, nyo be-wurr kar inya neh ufu ngor adi iborr Christy. 4 Ishor rangha wurr yige ngho idi jeh, ngor iyigitulor nfam, mbe wurr ujol kporong tifun Ishashap ngor mbarr ye neh ikorr. 5 Ishor joror wurr bom na abon shengor idi Jesu Christy, na inonob nji ikoreh. 6 Nkogor yereh ngor ntige igrasia nji abe wurr kar ngor ijom-jom ngor neh nyor abe wurr kar. 7 Ngor idi Jesu Christy wurr ujok shaga abebak ngor allog meh neh ubaga abebeh yereh, ngor nfuge igrasia. 8 Alime igrasia nja ifu ngor ukine-abaga neh nkune. 9 Ishor lime ka wurr ukine abaga nya, ayor sheb ika-reror gbol, nah iyor korreh, nah alimor tep wurr ngor idi Christy. 10 Ngor nyene ntobor ye, nogor akor abaga wah bah idi-njereng, abodo wh ngor iborr nendege, ngor Ishi njereng, jol Christy. 11 Ngha idi Christy mbo yigeh wurr sheng ngor nlama joro wurr bom ngor ntobor ye nyi alimor ijom nji ndege ngor nah ashebor nogor ijol. 12 Ishor yigi wurr bar ligi-bone inyor wurr mba ugbo lumbarr fun ukononterr ngor idi Christy, iba jolor kar inonob ntige ye. 13 n fufor ngor idi Christy, ngara inyi wun yogor alom itembaga, alom nogor, wun tama tuge fenghe fun irenghe ukono nyor inonob ufu, 14 Nyor yemor nten-she abodo tete ujok shaga abodo, ngor inonob ntige ye. 15 Ngha nta, ibu-rap ikede meh nyogo gum ntama yine ngor idi Ntol Jesu neh ikorr tah ka anep Ishor mba ireror kporong. 16 Meh nkayaga abor Ishor igafor kawun nah mewun kok ngor arorr yama. 17 Meh mbu jom ndor menne Ishor Ntol wurre Jesu Christy nshuwureh ngor iborr, yaba kaga ufu ukina baga neh uribe abaga tebah ngor nkine yeh. 18 Meh nkpi jomo-ndor nogor amerr iteam ta ifon nkine, nogor wun fon ukono nterr mbi abe wun kok neh anonob afangha nya wun ba-fonor ngho igum anep Ishor mba kporong. 19 Ngor aror yama meh mbub meneh wun malba nyige igboro ikor ntyi akpelor gara wurr mba ujor tama tuge weh nji neneh kar reror na weh. 20 Ikor nti Ishor bagor lime ti-ngha ngor idi Jesu ngara nyi ayime ngor iku fenghe kage irenghe ngor iku fenghe kage irenghe ngor ubob- lum beh ngor ad-yagor ukin-iborr. 21 Abume Christy feh ngior iborr shege ibeneh,ikorr neh mbeng nyin Degendege nyi mbobe goror. Christy ba-bume, ngha ngara nya nenting shang, neh ngara nyi meh bah. 22 Ishor fenghe neh abodo wah bom ngho akpada Christy fenghe neneh kar ikobashi na ntobishi ka abodo wah. 23 Ikobashi ji irerorr ngobji ye, kpukpul jeh nyor rororr ngho wah.