Ikpak 4

1 Meh, neh nreror neh ngbagobor ka Ntol nogor wun jor jen kpekpe ngor nkogo nyi mbor kogga. 2 Meh nkpi shebe nagor wun jol tereh, ngor imok neh ngor ndon, nogor wun jol kpekpe neh atem ngor ikorr. 3 Kanawun nogor wun jol njireng ngor ufu neh tereh. 4 Ngor ngobji inyereng ne ufu mbureng, nah mbor bangho kok wun ngor ukononterr mbureng ngor nkogo yah. 5 Ngor Ntol nyereng, ntama nyereng, uwuralep mbureng. 6 Neh Ishor njereng nshuwureh wah, nyor reror kawurr wah, ngor idi jeh wah, neh wah. 7 Tuge neh ndegedege,mbor buwurr ka igrasia gara mbaga Christy. 8 Nah nwerr alom bongho," ngara nyi atumor iborr" ayige anep ngbagobor fenghe ka ane abodo." 9 Ba jom ijogor, "abah," Ijolem mbeh afenghe tem ngor ikekele ndege? 10 Neh nyor balor ngor ndege yor kpelor tum ngor iborr feh, inyor aba roror abodo wah. 11 Christy ka mbandege, ba rogitom, ba-yena merr, ba toror alom, ba-lororr alom neh ba kpekpele. 12 Akaga ba bume ashi-kpokoro mbangha nogor mbor rogor anep Ishor mba ireror kporong, nogor mbor lem nogor ngobji Christy fu. 13 Atigejol lime nogor ngobji ye fu, tete wurr ulomogor ntama nyereng neh ukinabaga mon Ishor, nogor ufu fenghe lomo ngor ngarah nroror Christy. 14 Christy lime wurr uteneh iyor uyitikpe ba jolor abonshe mba akpah ijor tap bor jigor mbok neh njim mba ijor tama ibeneh ntindegedege neh nah anne ikpelor abarr nime ngor abaga bor. 15 Ukokobulor mbor, bong itembaga ngor ikorr, ilaga nogor ufu ngor mbarr nyindegedege ngor idi neh yor nenkol weh yor reror Christy. 16 Chisty lime ngobji, ire-idinjereng tep neh ajip ngara nyi adi ngobji nya wah iye lim ifangha neh atem ijo lime fu ngor ikorr. 17 Tep-nenor, meh nkpekpi bongho ijom ja ngor mbeng Ntol, ngor nah ntem boe ikakpalor ifan. 18 Mbor gakpe nkine, yige bor shaga ikpen Ishor ngonan mbor yim, tep neh itin-tine ntem bor. 19 Mbor kprmkpe ndon, fenghe jor lime abaga nya ikakpelor ifan, fenghe jor lime abaga nya ikareror kporong neh ukeme-amerr. 20 Nor shang iwedor wun kpelor gum Christy. Meh nfunor ntobor meneh wun buyok gume fenghe kpele nene, nah itembaga ireror idiJesu. 21 Mbor kpele wun mbeh wun yagabor ngor nkenyi wun jolor torgor neneh, nogor wun tap nkokolo nenom wurugor. 22 Nkokolo nenom yor kanobor ngor abaga umumala nya ijr fun bor ifan. 23 Mbor kpelah mbeh ufu itemtineh ijol nfenfeh. 24 Nogor wun fun nenum nfemfeh nyor mbor lime, ngor nfongho Ishor, ngor itembaganji ireror wele-wele. 25 tep nenor, kawun kpe kpam amumala, neh ndegedege bong itembaga neh nkul-tek weh, ngonan wurr aneh ka-atem. 26 Fun uyamtem ka-lime ibebak. Njol ti-nim uyamtem ba ikum mal. 27 Kakar num iyagah. 28 Neh nyor jor yu-uju tikpe yu. ikokobulor mbor alim ifangha, jor lime ifangha neh ijom nji inobor nh aboryeh, inyor aba fonor ijom ka aneh mba ikakpelor. 29 Katama ishashab ilom ijoga ngor nyor. Fon alom nya inobor, inyor alom yah iba funor igrasia ka aneh mba imeh yok. 30 Fufor ka-lem item iyam ufu Ishor mbi kporong, ngonan weh yor wedor afonor irenghe ngor ufunfo mbi aba fonor nogor. 31 Bom abaga nya ngor ugbangha, uyamtem, isha-shap ntobor, uyamtem,ntangha neh ibebe mbong, neh asha-shap nyagor wah. 32 Jol wun tereh neh atem, ntem nyi tereh, fun wun mbagah ka atem, nah Ishor jor ka wun mbagah ngor ide Christy.