Ikpak 3

1 Ken nna ngo atu ikekale abaga ibajege. 2 Anne ijoba funikorr ka ngobji, ka akobo, utaba ngobji yireh, ubongho nyor ukama mumal, mbo numkpeba funor nkaga ka ba-ndebor, allemo ijom kabor mbonllmbataba nna ijom-jom nne iyak-yak ikpen. 3 Abaga ibene inumkpeba bokoro, mbonum kpeba jolor ngo inonob nne attem, urebeh attem, mbo numkpe babomo agobji bor mbor ba jolor ngor allam, mbo unmkpeba funikorr ka inonob. 4 Mbo batenne attem, isha-shap ikpen, mbo ba funikorr ka ateng tengha abodo iko kobulop mbi mboba funor ikorr Ishor. 5 Iba fungho nna mbo kpelor Ishor, mbo baifaba ikorh teh.Tum anne bangho shaga. 6 Mbandege ngha aneplom mba ijo-yel ngo atek anne ji wam adam-dam anepkal ngo abaga nya mbo leme ba. Anepkal mba ibelem abebak feb, ntembor ireh gor abodo nya mbokpelor ikorr ka. 7 Anepkal mbagho ijo konijolor ngo nkpele, mbo katigi yen nkenne itembaga. 8 Fufor nna Jannes mbo nne Jambres iyemo nne Moses, anembagha mba ikao kpele itembaga, fufor itembaga ijom korr bor. Aneplom mba ntembo iberunghe, ngo ntama bor, nyi reroh itembaga. 9 Mbo numba lommo feh. Nnedegendege ba-yen udam-bor, nna mbi aneplom mbagho. 10 Ngha idi ja, wo abutunon nkpele yama, ikpen tama, nna-iwedor, ntama, akanya yiyen, ikorr, tereh. 11 Abaga nya mbo mmemelem, akanya nne nti ijolor nnenama ngo Antioch ngo Iconium, nne ngo abaga nya ijolo nnenama. Ngho nya wa, Ntol nock mme. 12 Anne wa mba iyago neneli tonnor ikpen Jesu Christy ibayene akanya. 13 Ba leme ashap-shap ikpebaleme shenge na mbobelem, mboba sheme anne nne mbobafunor tugge. 14 Wo, ka tum shaga abaga nya abekpele fenghe tamm kpekpe. 15 Wo ayiyi nne nyo wo akpelor idi-je. Wo ayiyi abaga nya anne ikayilo yigitule nji areror terkeh. Abaga nyangha iyabaleme afon nkene ka nnogor ngo ntama ka Jesu Christy. 16 Alom wa iyerr ngo idi Ishor, inobor ngo mbeneh, ngo ntobor, ngo itembaga nne ukpele inonob. 17 Ijolor ngho inyor nne Ishor bajolor kpekpe, fun ulogo ngobji ngo iteng tenghe ifangha.