Ikpak 4

1 Mme mbaka ikor ntah ngo Ishor nne Jesu Christy, nyo ba-lammah anne mba ireroh ikpen nne mba ibe kpor, ngona abalor nne ukin-iborr beh. 2 Toror alom, lok ngobji ngo ngara nyi areror kpekpe nne igaranti wo aka reror kpekpe. Toror nti ireroh itembaga, ka tamma ishap-shap, fun inonob nlege ngo nkpele nne tereh. 3 Igara ibabaga nti anne iyiti kpemaba bomo iten-tenghe nkpele. Tep-ne-nor, mbo ba koggo ka mboba funor ba kpekpele mba ijo kpele gum abodo nya ijor korr bor, mba ijo bong abaga nya attong bor iyagor yok. 4 Mbo ba taba attong bor shaga itembaga, tum ngor amumala. 5 Wo, itemta ijol kpekpe ngo abaga wa. Nyen akanya, leme ifangha utoro-alom ka anne, ngo nleme ya. 6 Mme imme-jek. Igara nti nyagor tum ibubah. 7 Mme mbu mal ngho inonob mala; Mme mbu mal abul funor, mme mbom ntama funor. 8 Ikpo inonob inongho kpi-me shege, nji Ntol, inonob nlama alam, abame kagga ngho ufonfo mbo, kame nnetengh, nne anne mbagor wa mba ifunor ikorr ka igara nti abalor. 9 Leme illa inonob nogor aba ntiga-ntiga. 10 Demas bume tum shaga. Abutum nfan nya shaga feh ngo Thessalonica. Crescens jile ngo Galatia, fufor Titus jile ngo Dalmatia. 11 Luke nenting nyo reror nnenama. Kor Mark ba nnena ngonana akpe ifan kame ngha ifangha ntah. 12 Mme ntom Tychicus ngo Ephesus. 13 Nya mme ntumo shaga ngo Troas nne Carpus, koba igara nti wo ababaga, nne awerr, tenghe-kpok ngu njam. 14 Alexander nlime acopper leme asha-shap abaga feb gumme. Ntol yebe kagga ngo nna abelem. 15 Wo fufor kpor ngobji gara nne-ne, ngonana ajom bong inonob gum alom yerer. 16 Ngo igbogo mbarr nogor yama, nnene yemum nne nama. Anne wa itumme shaga. Atibo leme ijom-jom. 17 Ntol jolor nne-nama ka mme ikoh, iyo ngha idi-jama, alom funnor ibe jene kpekpe, iyo anep Gentiles wa iba-yogor. Fufor annogor mme yige ngor nyob mgbe. 18 Ntol bame yige shaga ishap-shap nleme nyindege-ndege fenghe nock mme ngo iterkje ngor iborr. Inonob ijol ngo mbeng ye ngo ikpen igian-gain. Nogor-ijol-nor. 19 Kak Priscilla, Aquila nee anep itek Onosiphorus nyor. 20 Erastus shaga ngo Corinth, Trophimus kpi yama mme ntume shaga ngo Miletus. 21 Lem ne ikor ta waa nogor aba tom Winter. Eubulus ba kag nyor, fefene Pudens, Linus, Claudia, ne ba bayen waa. 22 Nogor Ishor jol ne ufu ba. Nogor igracia ijol nena.