Ikpak 2

1 Womonnama, fun atunor ngho mbagah nyi mbaka ngo mbeng Jesu Christy. 2 Abaga nya wo ayogo ngor idi-jama nne bayemeh attenshe mbago, fenghe nneya kak anne-mba ikpelor ntama mba immalba kpele anne-mbagor fufor. 3 Yen akanya kame nna inonob nogor abreh Jesu Christy. 4 Nnoga breh nyo yetep illeh ka-ikpenta numalba rogoli, inyo amalba jolo nne ada-je kpekpe. 5 Fufor, ntobable numba shulor-ikpo utal nji akatobo lomo-ikikle nna ibe neh irreroh. 6 Ilaga nogo nne yo jor-leme ifangha igbe dol gbombar kor ayeh abodo. 7 Tobor gum ijomeji mme bong, Ntol yaba kagga nkinne ngor ijom njendegedege. 8 Boro Jesu Christy nji nyemor ngo iku, yergoh idi-David, nayo alome Ishor ibongho. 9 Mme nkpi yenakanya lomidi-nji mboyagome kak agbagobor nna mkagafem. Alom Ishor inumalba shaga idi-nje rengh. 10 Tep-ne-nor, mme mbujol tereh ngor abaga waa ka anne mba mbobebo yige, iyo mbo fufor iba funor mbaga nyi yeroh ngor idi Jesu Christy, nne ukin-iborr. 11 Itembaga mbongho yingha, wurr uyekpor nne-ne wurr ubagaba jolor neneh. 12 Wurr uye-jol tereh ngo akanya, wurr ubagaba jolor nene. Uyetenne, abawurr tenne fufor. 13 Ukafunor ntama, weh ba-shaga ngho ntama, ngonan anumaten illeh. 14 Joboror bor abaga-nya. Nyam bor ngho ushimerr Ishor ngor ntamgha gum alom, tep ne ikpem ifan, iba renghe anne-mba immerangh attong. 15 Leme kpekpe attop illah ka Ishor nyor abeyige, nna nne ifangha nyo yitibabege ndon, nyor jor kpele alom itembaga. 16 Yagabo mbong-yi ikakpelor ifan, nyiyaba lime atikpe tobor gum Ishor. Mbong-bor iba bongho na isha-shap 17 uyam. Mbokpe Hymenaeus nne Philetus. 18 Mba ibe tum itembaga shaga, mbo bong mbe nyimejokidi gbol ibujol, fenghe feleh ntama anne mbandege renghe. 19 Ngo ntendegedege, itin-tinne iyigitule itek Ishor iyemmor. Ikpe ayonor iya: "Ntol nyi anne beh" Nnendege-ndege nyo yeka abeng nbeng Ntol ba-tume shaga ijomji ikanobor. 20 Ngo itek ifangha nne, akpong-kpong mbili iyerr nne mbarr iyerr nenting shang ireror ngho. Akpong ateh nne ntoror irengho fufor, nyon dege illaga nkaga, nyan dege illaga gum nkaga. 21 Nne nyo ye roh illeh ngo isha-shap nleme, weh inonob ijom kaga abodo-ji. Aba jolor nenteng ngo ifan ka adaje, fenghe log-ngobji ngo itemtege ifangha. 22 Tum shaga abaga nya gbol, ntama, ikorr nne tereh nne anne mba ime-kok Ntol ngho item nti-gbol. 23 Katama mbong udam nne mbube nyi ikanobor. Wor ayinyi wobeh ijokor nfaba-bah. 24 Nrogitom Ntol jom tangha ntagha, illagah ajol tereh waa, amali kpele, fenghe gbor nterr. 25 Ngho tereh, kpele anne mba ikao tama mbongha itembaga. Ishor mabobor leme mboyangha ngo nkine itembaga. 26 Mbo malkpeba funo uyeni-mok fenghe yagbo ngo ukuja nnem, ngara nyi abeborko ngo nlemme yeh.