1 Paul ntontulor Jesu Christy, ngo nna Ishor shebor, tornnor ukono-nyor ikpen nti ireror nne Jesu Christy. 2 Tugor Timothy mon nyo jor korr mme: Igrasha, imok nne Tereh ngor idi Ishor Nshuwureh nne Jesu Christy Ntol wurreh. 3 Mbukah Ishor igafor, nyo mme njorogor yigitule ngor idi ba nshuwama mbi imini mine, nne item gbol, nna mme njo borro wun ngor ndor atu nne njol. 4 Nye borroh abibi-ya, mme njo shep nogor nyema, inyo mme mbafuno uyebitem. 5 Mbo mme boroh gum ntamaya ngo itembaga, nyi jolo nne nyan mamaja Lois, mamaja Eunice, mme mbulama mene ibaga nenah nghor ngobji fufor. 6 Nnoyor iwedor mme-ma boroh nogo nfenghe mbaga Ishor inyi akpelor nji ireror ngor ukono-ubor bamah. 7 Ishor kalim wurr uffu ubol, kala wurr ikoh, nkorr nne nyi kpekpe ujeneh sheng-ngor mbarr. 8 Ndon tia lem ngor anonob Ntol, affi mm, Paul nne ngbagobor weh. Baga yeneh akanya nya mobor ngor alone uyonor ikor-Ishor. 9 Ishor yor nogor wurr, fenghe kok wurr ngo inonob nkogoh. Allemeh nnah, ngo nleme yireh shang, ngo iye ntobor nne igrasa. Akala wurr abodo nyangha ngo mbeng Jesu Christy nfam kum gbeb. 10 Ngha -ntiga nnogor Ishor ibutep nna Jesu Christy berebeh ujibeh tep wurr jolor. Jesu Christy yo kagor ikumkeg ika iku fenghe kor ikpen nti ikakpelor nghor alome irangha. 11 Tep-ne-nor mbo melem ntoror alome, ntontulor neh mkpe-kpeleh. 12 Tep ne na nbangha yeh akanya ngha abaganya. mme numo beh ndon, mme nyiyi neyor mkpelor ntama kaeh. Item imetag meneh amalbagbegeh ijomji mbeh kag ngho ubor jilom ufonfor fonor. 13 Neneh gara atentenghe alome nya ayogor ngor nyomama, ne ntama ikorr nji iyobor ateng Jesu Christy. 14 Inonob ijom nji Ishor tabor kaga ngor ubor, goom kpe-kpe neh ikor inonob ufu nyi iyobor wurr ngor ngobji. 15 Wo ayiyi nor, na mba inne nogor Asia waa, itumeshagah. Ngha ijomja, ukpe Phygelus nne Hermogenes. 16 Nnogor Adah yenimok ka annep-itek Onesiphorus, nna ajor boroh mme ngor igara waa, ajolim bendon ngor ngbagobor yamah. 17 Igara nti a jolo ngo Rome, ayajang mme nadol, ayen mme. 18 Nnogor Adah kae uyeimok ngho ufunfor mbor. waa nna ajojolo kag abarr mme ubor ngo Ephesus, wor ayiyi kpe-kpe-kpe.