¹ Gara ikobashi anonob aneh Ishor, ilagim inyor meh yon tugor wun. ² Nyi-yi gara ntobor yeneh, nyi meh wun gor gaba ka aneb Macedonia. Ntaga bor na Achaia meh loke ngopji kpeb gor ira ntin jim. Uyeme dong-dong bineh ibu tap ane feb yeme. ³ Ngha tiga mbu tome ba mgbayen breh inyor ji ngaba yreh gum wun itiba fonor ifan, fufene inyor wun ba fonor ukono nterr na bongho na wun bajolor. ⁴ Ishengho nor shaga, jolor ne Macedonian nyon den-dege balor nenama fenghe yen na wun kalogor ngopji, ndorn ba wurr ileme-nka bong ijome-jome gara ukono nterr mbi kpelor kawun. ⁵ Fufene mbu tobor meneh ililak nor utak ba-mgbayen breh fonor nor mbor ba top wun loke ngopji bome gara nkaga nyi wun beh kono nyor. Ntingha ire inyor ji inya iba jolor, inim fenghe ba jolor na isha-shap ijome. ⁶ Ijome fonor ire na,nenyor talor tegeh ba kpaga tegeh, fufene nenyor talor tepne inya, ba kpaga inya. ⁷ Nor fel neh ka na itemteh itgaeh, itijol mehinimor koreh afi nnurror, tep ne Ishor kpe ikorr ka nkagaga neh uyebitem. ⁸ Ishor yima lem wun rorr ne nkaga waa inyor ji feligara, wun ba fonor abodo waa nya wun shebor. Ntingha iba jolor inyor ji wun malba bodo fe inonob leme. ⁹ Ire na inyonor. Abu bak afang yeh ka akpak ane. Inonob jeh iyor rap te-te-te ikpeniken-keng. ¹⁰ Nenyor yor ka ntaga igbe amogor te weh yor ta tep ne ijome lili fufene bawuni kak fenghe lem amogor te fonor irorr feb ka ntaga. Aba bodo mkpaga inonob jineh. ¹¹ Wun ba fugor ngo mbarr nyin den-dege inyor wun malba kaga ne uyeitem. Ntingha iba kogor igafor ba ka Ishor shengor wurr. ¹² Nor inonob ifangha nta ijol irem ka anonob aneb Ishor nor mbor fon abodo ya mome sheb nenting ire fufene nor ikafor ijol ka Ishor dole. ¹³ Tep ne nyongho ne nleme yineh ngha ifangha nta, fufene wun ba fonor ntige ka Ishor ngor tereh je ka utoror alome bineh gara alome Christy. Fufene wun ba tige Ishor ngor nkaga uyebitem bineh kabor fenghe ka fel ne. ¹⁴ Mbor kpi wuni shebeh, fenghe yor lem nta tep ne ikor Ishor nti iyobor wun. ¹⁵ Ikafor ijol ka Ishor ngor nkaga yel yi ka-kpelor ntoror.