¹ Ukpi shebe nor wun nyi agbayen breh mba aneblome gum nkaka Ishor nyi beh jol ka akobashi Macedonia. ² Ngor igara igboro nyongho akanya, mbor fon igboro uyebeitem ne ikukulor akanya nya mbor yenor ifenghe shere afang unobor-ibeneh. ³ Tep ne mbu toror na mbor kalor wurr dole na mbor malor wurr kaka, fenghe jeng shaga na ijome nji mbor malor wurr kaga, ne na ntem bor itagor bor. ⁴ Mbor goro wurr ne ukono-nterr inyor iyaga iba jolor kabor toror anonob alome ka anonob aneb Ishor. ⁵ Ntingha ijomli na ukonor nterr, mbor gbolor-mbarr ka ijibor ka Ntol gum wurr ka karagor ntobor Ishor. ⁶ Ngho ubah tak Titus, weh kpebor ifangha nta nor akor wun mal ifangha igrasha nta. ⁷ Wun fenghe re gara gor ijome jende-dege ngor ntama ngor ibong, ngor uyiger ibaga, ngor ifangha lilem waa, ne ngor ikorr tiner ka wurr. Noyor fufene ilagor inyor wun mer jol kper-kper-kper gara gor ifangha nta. ⁸ Irem mber mbongho ta ngor ikor. Ikorkorbulom bor, mbongho ntigha nor nyongho ituntonor ikorr tiner gara anembagor ba imer sherbnor mbor yi. ⁹ Wun yiyi ikorr nti Ntol Jesu Christy wrer kpelor. Jolor ijolor mber ajolor ner afang ngor ishi jiner aba gbor akanya inyor ji shengho akanya yer wun ba jolor afang. ¹⁰ Ngha mbarr ya, mba wunikaga nleger nyi ba wunikaka ubor. Ira ntreng iber sheng, wun nimba kpebijome lilem nenting, wun ba fonor ntobor nor wun lem. ¹¹ Ngha tiga wun ba leme mal. Na ukono nterr ne ntobor yiner reror nogor fufene ilagor inyor wun mer lem ifangha fonor lomogor ikukulor na wun malba leme. ¹² Jolor wun kpelor ukono nterr ba leme infangha nta, ininob fenghe fonifan itege bajolor gara ijome ji ner kpelor, inimbajolor ijome ji aka-kpelor. ¹³ Ntingha irem nor anembagor Ishor nor ifenghe jol akanya ka wun. Ikorkorkulom bor ijol ka wun ishibal ibal. ¹⁴ Nfonor yene ngha igara nta babor kaka ijome ji mbor shebor. Noyor fufene nfonor dole bor ba bawuni kaka ijome ji wun shebor, inyor ji itiba leme ntermli. ¹⁵ Ire na inyonor. Nenyor fonor dole kperm for ijome-ijom ji shagor, nenyor fonor teke fenghe fon dole. ¹⁶ Igafor ijol ka Ishor, wer kalot Titus nkuk item ubrer ne mbi-kpelor kawun. ¹⁷ Tep ne atamim igoror trer nenteng, fufene afonor ukono nterr gara ijome fonor. Aba top wun ngor uyebitem mber. ¹⁸ Ubu tome mgbayen jrer toner gor itulor wer ntiger reror ka-eh ngor akobashi weh ngor ifangha utoror alome mber. ¹⁹ Ntingha nenting shang, afenghe jolor nenyor akobashi iyige nor ayotonor wurr ji gor idi nji uferor ne inonob ifangha ter nti umer lem ngor ntige Ntol Ada fonor ne gor inonob ntem rireh. ²⁰ Ukpi shebeh nor ijol kpereng nor nenden-dege tibom ilam garainonob ifangha ti umeh lem. ²¹ Uyor tap igara lem ijome ji inonobor, ngor amerr Ntol Ada nenting shang, fufene ngor amerr aneh. ²² Fufene ukpi tomoe mgbayen jrer nyon tege toneh. Ubeh yongho ngor aberr feb ubeh yen ba nleme abob mfangha feb. Ayem dong-dong ngha tiga nor alem ifangha fonor tep ne igboro ukono nterr mbi akpelor kawun. ²³ Titus ngha ne ifangha wama fenhe jol nleme ifangha kawun. Ka ba mgbayen breh, barogor itome ngor akobashi. Mbor re ntige ka Christy. ²⁴ Fufene tep wun bor ikorr tineh, ne akobashi na iwedor umeh wun kor yor gaba.