¹ Meh Paul mefonor yor meh wun tak, nkaga ne tereh Christy, nyor beh ndorn ngor igara nti nreror nenineh, fenghe gor wun gaba igara nti mbeh wun tum shaga. ² Mkpi wunigoro ne, igara nreror nenineh ilagim nor ngaba ne ijibama nyor tobor meneh ililak inyor meh gaba igara nti mbeh yeme ne anemba imeh tobor mbeh ukpi jeneh gara ngopji. ³ Jol ijolor mbeh ukpi jeneh ngor ngopji, unimor nok itar ne ngopji. ⁴ Tep ne abodo nya umeh nok neya abodo ngopji shang. ikorkorbulom bor, mbor kpe ikor Ishor nor mbor rongho adi nkor bor. Ijome jome iyom joke gor nrara nshumor tugor bor. ⁵ Fufene nyor rongho fel-ijome ji ikpelor ikor gara uyigeh ibaga Ishor. uyor fele fel ntobor nok ifon nkaga ka Christy. ⁶ Ufenghe kpi logoe ngopji nor ukak ikpen ndin-dendege nti kakpelor nkaga akanya, igara nti nkaga yineh beh lem ifangha. ⁷ Breh wun ijome-ji ireror kbole ngor mbok mineh. Jolor nendendege beh tama mbeh weh Christy yor, aboro ijibeh mbeh na Christy reror noyor fufene ureror. ⁸ Jolor ijilor mbeh ngaba tekeh bodo gum ikor treh, nti Ntol Ada kalor wurr nor ujoro wun tifeh fele wun rongho, ndorn nimba meh leme ⁹ Nimor sheb ijol mbea mkpi wunikaga ubol ngor nyonor yama. ¹⁰ Tep ne ane mbantege ikpi bongho, ukono nterr iyor jol gor ayonor yeh ne ikor, iyom fenghe tep ngor ngopji yeh. Alome yeh irem urangha atong ka. ¹¹ Nor nkuk anemba renghe mbeh ijome ji ureror ngor ngor alome nyonor yreh nor igara nti uka reror njiji uba jolor ngor leme yreh igara nti ureoron ngho. ¹² Uti ji feh nor ugum fele ijibreh konor ashi afi ugara ijibreh ne mba iyor kpak ijibor. Mbor fengho gara ijibor ne nwereng wrengfenghe gara ijibor ne atem, mbor jogim ijome jome ngor ateng. ¹³ Wurr nimba gaba sheng igara shaga. Ikorkorbulom bor, uba leme gara na Ishor kalorwurr, redeh wun ngaba yineh. ¹⁴ Tep ne ujengim ijibreh shaga ngor igara nti ukonor wun. Ugbolor mbarrr lomoe nor wun kum lomoe ne alome Christy. ¹⁵ Uka gaba sheng igara shaga ifangha ane mbagor. Ikorkorbulom bor, ukono nterr breh ire mbeh na ntama yineh yor ba fugor, ifangha treh ngho igum jineh ire iba fugor dole. ¹⁶ Ukono nterr breh ire ka, inyor ji umal ba toror alome Ishor jol gor adi nya ishengho wun. Unimba bongho nyor gara ifangha ti ibeh jol gor idi jindege. ¹⁷ Nor nenyor yor bong nyor bong gor idi Ntol Ada. ¹⁸ Tep ne weh sheng yor yigeh ne weh mbor beh yigeh. Ikorkorbulom bor, Ntol Ada yor yoh kpageh.