¹ Ulem ifangha idi jreng nene, ukpe wun-itaka fufene nor wun ti kor mbaga Ishor tan. ² Tep ne abongho, ngor inonob igara nrangha wun atong fenghe kak wun ubor ngor ufofo nogor tingha. Breh nghatiga ufomfo nogor tingha. ³ Unimor cheb ulem ijome ji iba kaga nen-den-dege ilam ngor mboke, tep ne unimor cheb ne ikorbashi jreh ifon isha-shab mbeng. ⁴ Ikorkorbulom-bor, uribe ijibreh tep ngor nleme yreh, na ureror ba rogor itome Ishor. Wurr ba rogor-itome bebah ngor unara nterr, uyam, ifangha, akanya, ⁵ ndugor, agbagobor, alam, ifangha ikor, ngor tima lal-ne atu, ngor ajal, ⁶ igor nobor, ukuni-baga, tigbede, unobi tem ngor ufu mbi sharr, ngor ikorr ti ikpelor ifan. ⁷ Wurr bah rogor itome beh ngor ibong item-baga, ngor ikor Ishor. Ukpe iwroror inonob ngor uborb lome fenghe fon ngor uborb kal. ⁸ Uyor lem ifangha ngor inonob ne gor ibebe, ngor ubongho asha-shap ne anonob, na ba nima ane fenghe toro item-baga. ⁹ Uyor lem na uka-yilor ngha ufenghe yi kpenh-kpeh. Uyor lem na akpor-kpor fegnhe yen-utey fenghe re-ikpen.Uyor lem na umeh yene akanya ngor leme yreh na mbor yagor wurr yole shang. Uyor lem na imork-imork, fenghe yor gereh fel-igara. ¹⁰ Uyor lem na aneba akanya, uyor fenghe fon afang dole. uyor lem na uka kpelor ijome-jome ikukulor ji na ukpelor abodo waa. ¹¹ Ububong item-baga waa ka wun, Corinthians, fenghe ribeh ntem yreh ka wun. ¹² Uka bam wun, wun fenghe kpi bama ijibineh ngor ntem yeneh. ¹³ Ngha tiga ngor nyangha tekeh mkpi bongho na mer bong ne abonshe-ribe wun ijibineh fufene. ¹⁴ Ka wun tap ijibineh yi bodo ne anemba ikatama. Ngor ba-ijome inonob ikpelor ne isha-shab? Ngor ba-ikonor irana ikpelor ne ijinghe? ¹⁵ Ba-ukonoyor Christy kpelor ne Beliar? Afi ba ngaga nentama? ¹⁶ Ne ba ukononyor ireror gara itaba Ishor ne alogorte? Tep-ne wurr ba ureror itaba Ishor ikpen, na Ishor bongho mba nene ngor igom bor feghe jeng ngor igom bor. Mba jolor Ishor bor, mbor fenghe ba jolor ane bama. ¹⁷ Ngor item-baga, joke shaga igom bor, nor ajol ija-ja, Ntol Ada yor meh bong.Ka laga ijome nji ikabaror abor, meh nyaba kogor. ¹⁸ Mba jolor nde ka wun, fufene wun ba jolor abon bana mba aneblome ne mba anebkal ngha.