¹ Wurr uji mbeh jolor itek ndege-tent-irongho, ukpi ibata ngor idi Ishor. Ire itek nji ika lemor ne abob aneh, ifenghe ray itek ikpen ikeng-keng ngor ikun iborr. ² Ngha itek ja uyor bong alabi, yor cheb nor utum ikun iborr idi ninene jreh. ³ uyol chebe ntingha tep ne na ubakaga iwuror itek Ishor, mbor nimba wurr iyene umeh jen ata-ata. ⁴ Fufene na uyobor ngha itek nja, ukpi bongho alabi, fenghe shol igboro ishol. Unimor cheb nor ijome-jome iti wurr bolo. Ikorkorbulom-bor, ukpi chebe ijome bubolo, inyor nji ijome ji inyor kpor imal ba fonor ikpen. ⁵ Ishor ji reror nenyor logor wurr bome ijome ja bi, weh galor wurr ufu na irero ijome ka ijome nji iba baga. ⁶ Tep nenor fon ukoninterr fele igara, yoji mbeh na urero gor itek ngor ngobji, ure fer shaga Ntol Ada. ⁷ Tep ne uyor jen ngor jen ngor ntama,ngor nyene shang. ⁸ Ukpe ukono nterr. Ikorkorbulum-bor ufenghe ba jolor fer shaga ngobji fenghe jol ne Ntol. ⁹ Ngha tigaubor lem nta ijomeji umeh cheb, jol ujolor ngho itek afi fer, inyor item iyebe. ¹⁰ Tep ne nan utegeba yeme ngor ujimerr ite lami-alam Jesu, inyor ji feleh ne kogor nji irero ka-eh ngor abodo nya ilemor gor ngobji, jolor ijolor anonob afi ashap-shap. ¹¹ Ngor itembaga uyege ubol Ntol, uyor bong anonob ka ane. Ijome nji ureror ibid tep gbole ngor amerr Ishor. fenghe kono nterr mbeh ire gbole fufene ngor ntobor yene. ¹² Unimor kana nor ukpeh bong anonob ka wun inyor uba breh na aneb-itembaga. Ikorkorbulom-Bor ukpi wuni kaga ijome ji iba wedeka wun yor kar wurr yor gaba, inyor nji amal ba fonor mfangha ka mba iyor gaba gum ulogo agobji iti jol gum ijome ji iyobor gor item. ¹³ Ujolor shaga ntem yreh ire ka Ishor ufenghor jol gor iteng-tenghe ntem yreh, itege re ka wun. ¹⁴ Tep ne ikorr Christy ileme wurr: Na ne wreng kpolor ka waa fufene ngor ikukulor waa iba kpogor. ¹⁵ Akpolor ka waa, inyor ji mbah imeh nene itikpeh nene ka ijibor mbor fenghe nene-ka-eh weh tep ne mbor akpor fenghe yimeh. ¹⁶ Tep ne nor,kpeb ngha tiga jong mboke unimba renghe nen-den-dege gara ngobji, jol ijolor mbeh utogor yi Christy gara ngobji. Ngha tiga ukpem yi. ¹⁷ Ngor itembaga, jolor nen-de-dege nenor ne Christy, aray ne mfemfe. Akokolo abaga iba jenghe tum. Yi, mbor fenghe ba jolor mfemfe. ¹⁸ Abodo nya waa inyurr idi Ishor afele wurr konor ne ijibeh jeng Christy fenghe ka wurr ikorbashi ikonor. ¹⁹ Nta ijogo mbeh, ngho Christy Ishor kpe fele mfam konor ne ijibe, tifal abebe bor gara bor. Akpi fenghe ne ti ka wurr mbong ikonor. ²⁰ Tep ne nor mbor bu wurr yegeh na ba tamitome Christy, na igara nti Ishor igoror teh jeng ngor wurr. Ukpela-igoror, ijikop Christy: Konor ne Ishor! ²¹ Alemeh wer ka nyilor ibebe fenghe jorl ibebe ka wurr, inyor ji umalba jolor anonob ane Ishor ngho weh.