¹ Ikukulor je, tep ne ukpe ikorbashi nja, ifenghe re na ubeh fon uyenimock uti-fon udogor akub. ² Ikorkorbulom-bor, ubuten ashishele ne abarr ndon. Unimor jen ngor ubeb, fenghe fele mbong Ishor ayele-ayele. Nor itembaga ijol, uneneh iteng-tenghe ikpen ne ijibreh ka ntobor nenden-tege ngor ushimer Ishor. ³ Jolor alome Ishor yrer ibolor iboh keneh ka anemba imeh kpor. ⁴ Ngho mkpa bor, nim nyi ngha mfam bublor rongho ntem yi mbor katama. Tep ne nor, irem-kpereng kabor nor mbor yen irana ilome ikor Christy, weh reror mfongho Ishor. ⁵ Tep ne unimor tep ijibreh yuror, shengm Jesu Christy na Ntol, ne ijibreh na bah rogor itome bineh ka Jesu. ⁶ Tep ne Ishor ji bongho, "irana iba yaga joke gor ijinghe" Abu ya ngor ntem yereh, nor aka irana ukunor-baga ngor ikor Ishor ngor amerr Jesu Christy. ⁷ Ufenghe kpe inonob ibaga ngor akpem nya inyolor ne ntitobor, inyor ji iba jolor gbole nah igboro ikor nti ishengho ikor ireka Ishor irem ka wurr. ⁸ Ukpe uyam fele mkpa, dole shang. Ikor ibu wurr tan uka fon utogor ntem. ⁹ Uba jolor akanya nyolo shang, fenghe jim wurr kped ronghor shang, ¹⁰ uyor ba jolor chebe ikpor-kpor ngobji Jesu ngor ngobji yreh inyor ji ikpen Jesu iba tebe gbole gor ugobji yreh. ¹¹ Ka wurr mba ureror ikpen uyor jol feleh igara gumashi Jesu, inyor ji ikpen Jesu iba tebe gbole ngor ikpor-kpor ngobji yreh. ¹² Ngha tiga iku iray ifangha ngha idi jreh, fufene ikpen iray ifangha ngho idi jeneh. ¹³ Ufeghe kpe nkuk ufu ntama mbreng gara nti inyonor: "Mbitama fenghe bong" Na wurr utama, nogor umebong bong fufene. ¹⁴ Tep ne uyi-yi mbeh nenyor yibor Ntol Jesu yuror ba wurr yibe yuror fefene fenghe kor wurr ne-na ji gor idi jeh. ¹⁵ Ngha ijome njenden-dege ire tep ne woh, inyor nji igrasha nji imeh lomoe ane dole iba kogor igafor ba inyor ikor Ishor iba fugor. ¹⁶ Utite udongor akub. Jolor ijolor idi-gbole ukpi rongho ferr, ngho ateng iyor lem wurr mfemfe ufomfo ne ufomfo. ¹⁷ Ngha tiga-tiga, irana akanya ikpi wurr ilogo-ngopshi ka igboro nti shengho ugara abaga waa. ¹⁸ Tep-ne unimor breh abaga nya umeh yen, ukpi breh nya utior yen. Abodo nya uyor yen iyom raba ikede, nya ukar yen inyor jol ikpen-ikeng-keng.