¹ Ugugbeb ijibreh kpekaga? unimor sheb ayonor mkpagah kaa afro ngor idi jah, na anemba-tenghe, ukpi shebeh? ² Wun bafonor ba wun reror nyonor mkpaga inyonor gor ntem yrer, nji ane waa irengho fenghe koke. ³ Wun kpi tebe mbeh wun ba wun reror nyonor nji-yror ngor idi Christy, ikukulor ijome ikorbashi jreh, iyononim ne alipnwerr, iyonor ne ufu Ishor ikpen. Iyonim laga gor atal, iyonor laga gor ntem ane. ⁴ Ukono nterr mbi ukpelor sheng ngor Jesu ngor amerr Ishor mbibi ngha. ⁵ Uyonma lem ijome-jome ka ijibreh nji itebor mbeh iyurr idi jreh, Ikorkorbulombor bor ikor treh iyorr idi Ishor. ⁶ Ishor ji lemor wurr ureror ba rogor itome ukono-nyor mfemfe. ukono-nyor mbi-ngha mbi nyonor shang mbi ufu bi tep ne nyonor yor yole, mbi ufu iyor ka ikpen. ⁷ Ngha-tiga ikorbashi iku nyonor laga gor atal nya riror-ibala ngor ikor nti iwedoka abon Isreal ikamalor brer Moses dedede ngor ushimerr. Nta ijolor tep ne ikor ushimerr beh, ikor nti iyolor kpor alep. ⁸ Nanor ikor ikorbashi ufu iba jolor? ⁹ Jolor ikorbashi nrongho ifonor ikor, nanor iteng-tenghe ikorbashi iba fonor ikor lomo. ¹⁰ Ka nti ifonor ikor ngho igara tor ikpem kpe ikor ngha iyaga nja, tep ne ikor nti ibeh bolo. ¹¹ Jolor nti ibeh kpo-sheng ifonor ikor, baah ikor nti ngha ntiga iba fonor. ¹² Tep na na ukpelor fonor, ukono-nterr ubol uyorn ber. ¹³ Urem na Moses weh tabor ijome gba ijibeh ngor ushimerr inyor ji abon Isreal itimal yebeh breh de-de-de ngor ushimerr ngor ikukulor ikor nti iyolor yor kpo-sheng. ¹⁴ Ntem bor ifenghe tunor. Ufomfo mbi igara nti mbor kogor nkokola ukononyor, ijome njor bi ite shaga-ngor. Ika tege ladeh shaga isheghem mbeh aray ne Christy yor ijome jor imalba lada shaga. ¹⁵ Jol-ilelah, igara nti degedege nji Moses kogor, ijome ngor ilaga bor ngho ntem. ¹⁶ Fufene nenyor tonor Ntol Ada, ijome jor iba lada. ¹⁷ Nghatiga Ntol Ada yor reror ufu. Idi ufub Ntolireror, ikor ire-nghor. ¹⁸ Ngha tiga wurr waa, ne abodo ngor amerr, breh ikor Ntol. Wurr ubu yangha fenghe fon ikor mfongho ye bi fenghe fu kpeb ngor ikor ntreng lomoe gor ntugor, na iguror gor Ada weh reror ufu.