¹ Tep-ne nyangha item ngor mkpa yama mene nimkeh ba jegeh idi jene neh ugarmtem. ² Jolor nlemor item iyoamor nyonor bameh wuror inimba jolor ne fonor pii weh leme item ijama. ³ Nyonor nah nlemor inyor ji igara nti mbalor nti ba fonor uyam-tem ngor idi ane anemba imalba meh kagar uyebi-tem mkpeh ukono-nterr ka wun wah tep ne uyebi-tem bama mbibi. wun kpelor wah. ⁴ Ngha nyonor tugor wun ngor igboro ilam, uyam-tem ne abibi dole. Nchebim nor lem item iyam wun.ukukorbulor nbor, nchebeh nor wun yi na mkpelor ikorr ka wurr jilomoe. ⁵ Jolor neyon-den-dege weh beh lem wun beh fon uyama, aka lem ka memeh, ngor mkpa yendege nor itijol ishol ka wun wah. ⁶ Akanya nya nrorr aneh kalorneh fonor ibufu. ⁷ Nghatiga ikorkorbulor akanya bage wun nor wun fenghe kage nyamitem. Lem wun ntingha inyor atila fonor imok dole. ⁸ Mbu wun lem nor ikorr nti wun mkpelor ka-eh itep gbole. ⁹ Noyor iwedor nyonor, inyor malba wuniyongho fenghe nyi jolor wun kpelor ugugishi kah ijome jen-den-dege. ¹⁰ Jolor afonor mbaga kah nen-den-dege, mbahbagah nenyor fufene. Ijome ji mbeh bak-jolor mbeh ijome njenden-dege ibubak ngor ijekoba ngor amerr christy. ¹¹ Ijolor na inyor ji nim teba wurr leme akpeleh. Tep ne iti jol mbe uyim gum nlama yeh. ¹² Ntol Ada ribe mboe kameh kameh igara nti mbalor gor ibugor Troas nor nji toro alome Christy ngho. ¹³ Mfonim ugbogor item tep ne uyenim, titus mgbayen jama. Tep ne nor mba tum bor shaga tum ngor Macedonia. ¹⁴ Igafor ujol ka Ishor, weh reror ngor christy yor tep wurr fele igara yor fon atonor, Jeng ngho wurr aribe gbole iteng-tenghe iluu uyege ibaga beh fele idi. ¹⁵ Wurr ba ureror iteg tenghe iluu christy shumor neh mba ibeh fon inogor ne mba imeh kpor. ¹⁶ Ka anemba imeh kpor, ire iluu ka mkpogor kpeh joroe kpeh kpor. ka mba ibeh fon norgor, ire iluu ngor ikpen ne ikpen. Nyonor reror kpeh-kpeh-kpeh ka abodo nya? ¹⁷ Tep ne wurr urem na anefeb mba iyo goro alome Ishor fon nshelay. ukorkorbulor mbor ubong gum Christy ne ntem gbolena Ishor tomoe wurrr, ngor amerr Ishor.