1 Ka gbana ne neyor kolor shengha, yebe yuror na nshua. Yeb ajankon yuror na agbayi, 2 anebkal mba igalorkol na ba-nyua ajamjama na agbayi mba anebkal, waaa iregbol. 3 Kagwun aneba alombor ibekpor. 4 Jolor neyor nkale bekpo kpelor abon afi abon-abon, mborgbambarr fun nkaga aneb-ikantekje waa. Nborgal ba-ndebor ikon, tep ne, noyor ikorr Ishor. 5 Ngha wen ji kunore nenkal nyor nome-bekpor, nyor beshaga nenteng, akpi kono-nterr ngor Ishor fenghe yorfal abaga ngor ujomor aror atu ne njol. 6 Jol-ijolor nan, nenkal nyor nenor ngor iyebe abodo bukpor jol na areror ikpen. 7 Tag wun bor na fefene, iyoji nbortibafunor ube. 8 Jolor neyor kafonor ka nenenewe, tinkpok ngho igom ikantekje, abuten atama afenghe bashaga shenghe neyor kakpelor ntama. 9 Nenkal yel ngor igom anne mba alombor ibekpor njolo kabeti lomo nda atel-ara, nkal ne-nwereng. 10 Mboyebe nyige ngor inonob nleme, jol ijolor ngor na ayobere abon, afi akkelor akaga ka ajene, afi row akpada anonob abon Ishor, kak anne mba ikpelor ayam uboh, afi jolka iteng-tenghe ifangha tendegedege. 11 Ka ajamjama mba alombor ibekpor, ten wun kawunbor falkak ngor ikpaga nwerr. Mboshebor nogor nbota iji borka ikoror ngobji gum Christy, nboba nogor mbabal alom. 12 Shengha na, mbor kor ashashab tep ne mborbu ten ngbogor mbarr ibal bor. 13 Ngho igara tor, mbor bangha ikpele na mbor kele, fenghe jen shibe ngor fel itek. Ukele nenten shang, mbor bangha bong nya ikakelor-ifan fenghe yorogo ne ngobjibor, yor bong abaga nya ikalagor nogor-mbor bong. 14 Nkpaishebe nogor agamjama ibal alom, nogor mbor bel abon, ba ibabre aneb-ikantek, nogor mbor tiba ne-ujeng ikor nogor ayol wurr. 15 Anembadege ibushibe tonor-nnim. 16 Jolor nenkal nyokpolor-ntama fonor anebkal mba alombor ibekpork, kak wun borubor, iyonji ikorbashi iyitiba fenghe njem, iyonji ibakaga uborka anemba alom bor ibekpor. 17 Anebkol mba imemali fele-mfam, kag wun bor kpekpe, tinkpok mba iyolem ifangha ne ibong ne nkpele. 18 Awerr Ishor ibong, Kawun gba itete kono-ngor ishi nfong igara nti ameta amogor-ite fefene, nlemifangha laga nogor akor anyerr. 19 Ka tama na mbor kemor laga nebkol, ishegheum ishiibal afi ishi-ira ibuyeme atenshe. 20 Joro wun aneb abebak ngho ushimerr ane waa inyorji mbagor ibabege. 21 Mme mbu bong tere ne nene,ngor ushimerr Ishor Jesu Christy ne nrogitom nyor mbor yege, nogor wungbe mbong-nya ka wun bere ijarr njereng afi wun lem ijomjidegedege ngor ntama tugor. 22 Ka wun kono nendegedege abor, Ka wun shumor ngor ababaga nnewegor. Gbe wun ijibene gbol. 23 Ka wun kpe wor-alep. Ukokobulobor, worwun abon-amum kak ngho alaya nne ayama, 24 Abe bak anebandege ire-gbol, fenghe tonobor lomo ngor nlama. Abebak nyandege iyoba ngor ikukulor. 25 Nghor mbarr nyor fefene, inonob nfamgha nyendege iyorebe gbol anne inyi jol nyandege iyoma-shele.