Ikpak 6

1 Anemba mborbebor gba na ajoh iyen adabor na ilagor nogor akage. Mborlem-na iyoyi mbor yitiba bongho ashashab gum mbeng Ishor. 2 Ajol nya ikelor ada mba-ikeplor ntama itijol mbe mbomkakbor tep ne nan mbor ubayenbi. Ukokobulombor, mbor oyor bor waa. Ba adabor ba iyoka-ubor ngor ifangha ikpe ntama ne ikorr. Kpele nogor arebe abaga nya. 3 Jolor nendegedege kpelor ibene nti ikakonor ne nkpele adajere Jesu Christy ne nkpele Ishor. 4 Wereyor gaba fefene ayim-ijomjom. Akpe ishashap ikorr ka nshumotugor ne nfaba gom mbong nyi-iyokor ulege-ala, nfaba ugban, urege-nendon, ne ntobor nnim, 5 ne abrerr fel-igara ngho igom aneba ikpelor ishashab ntem. Mbor butum itembaga shaga fenghe yortubor mbeh uyolor ne-Ishor iregor mbarr nyi ne bakogor fon-anyerr. 6 Ngha uyolor-ne Ishor ne-ijom-ifua ibangha fufu. 7 Wurr okorlum ijomjom bangha nfamya, wurr unimalba taba ijomjom jok shaga. 8 Ukokobulombor, ijomlilee ne abodo ngobji ifu wurr. 9 Ngha, anemba imesheb nogor mbor gbor-inob ibagbogoryel nyogho, yelgor akuja. Mbor-gboryelgor ibabe ntobor, ne ijom-njdegedege nji iyorlem anne iyel-ngor nyalo ne nronghor. 10 Ikorr anyerr ji ireror nrok-abodo nim. Anebandege mba ishebor ibotortap shaga ntama fenghe gem-ijibor ne ukagilam. Kawor, nenom Ishor, tobowun shaga abaga-nya. 11 Kamwun ujolor dedede, ujolor ne Ishor, ntama, ikorr, ubobitem, ne ujolortereh. 12 Nogwun ateng tenghe aberr ntama, fele wun ikpen nti ikakpelor ikukolor nti ikalor anonob atutoror ngho idi bayeme ntenshe feb. 13 Mebuwuntaka ikor nta ngor ushimerr Ishor, nyorkalor ikpen ka-abodo waa, nghor ushimerr Jesu Christy nyor lemor anonob atutoro ushimerr Pontius Pilate, 14 Nogor agbe ikonta kporong shaga ukaga-ube tetete mbaga Ntol Jesu Christy. 15 Ishor barebe Christy ngor ikonkon igara Ishor, inya ijolka ikorr, Ntol nyor komor ne ada nyor mebre idi. 16 Weh nenting yor kaokpor fenghe nene ngor ikpen irana nti nne timalba yangha. Nene yom yene, afi bre-eh. Ka-eh ijol nkaga, ikor nti ikakpelor ikukulor. Nogor-ijol-nor. 17 Tag wun aneb-inob ngha mfamya nogor mbatigaba fenghe kono-nterr ngor amerr, nya ika shaga jolkpemm. Ukokobulop-bor, mber kono nterr ngor idi Ishor. Akala wurr inob wah nogor ugereneya. 18 Tak bor wun nogor mbolem anonob, mborgbor inob ngor inonb afangha, mbor fun abor-mbaga. 19 Ngho mbarr yor, mbaba kpogo ka-ijibor inonob uyege itolor ka nti-imeba, iyonji mboba fele-ikpen itembaga. 20 Timothy, gom-ijomji mborkala, tum shaga mbong udam ne ishashab ntobor nyiborkok ne-ukunor-abaga nkekeme. 21 Aneblom mbadege itorogum abaga nya, tap ne nor ntama shurrbor. Igaracia ijol nene na.