Ikpak 4

1 Ngha ufu itaga wurr gbol nbeh ngor nbok anebandege iba tumor atama bor shaga yor rangha-atong ngor afu nya ikayo toro ne nkpele ulum. 2 Ngor nkikime anep udangha, mbor renghe ntobor. 3 Nboba tene mbe ane itikor-akal fenghe takbor mbeh mbortilee agomlilii nya Ishor lemor nbe anemba iyortama ikor ne igafo nogor mboyi itembaga. 4 Ijom njidegedege nji Ishor lemor inonob. Ijom jom irem nji ukolor na nkaga nji ubatene. 5 Nghor mbor buyige inya ngor alom Ishor ne ndor. 6 Atabor abodonya baka ugbayen, abajolor inonob nrorogor itom ka Jesu Christy. Wor wun nbowun le-ngor alom ntama ne inonob nkpele nyiwun metonor. 7 Ten wun akikala mfam nya iyorkorr akokolo anebkal. Ukokorbulop-bor, lewun ijibene ngor mbarr Ishor. 8 Ullege ngobji inonbor tekeh, shang mbarr Ishor inonbor ka abodo waa. Ikpe ukono-nyor ka ikpen nti ntiga ne ikpen nti imeba. 9 Itomta ilelak-nogor ukor ilaga nogor utama waa. 10 Nayor iwedor uyorsheb nogor ulem-ifangha dol. ukono nterr bere iregor idi Ishor ikpen, nyor reror nogor ane waa, tenghe-pok aneb ntama. 11 Bong wun nogor wun kpele abaga nya. 12 Nene tironghe ushebe. Ukokorbulop-bor, ka aneb ntama, jolwun nfogho ngor ibong. Ibene, ikorr, ntama, ne ujorlor gbol. 13 Tetete mba rangha wun atong ngor nkogo, uyebeh yuror, ne ngor nkpele. 14 Kawun ten nkaga nyiyobor wungho, nyi bayenamerr ikalor wun, ne ukono-abor anebkol. 15 Brereh wun abodo nya, jol nne bor, afufege ya ijol nyene-ka ane. 16 Tonor wun abaga nya. tep ne alemor nor aba norgor ijiba ne aneba ijor rangha aton