1 Mbong nya ikukon, jolor neh mesheb nogor ajel ndobishi, ilaga nogor alem ifangha. 2 Fefene, ntobishi ba jolor shaga abebe. Abajolor nom-nenkal nweren. Abajolor Igarigara, nyi-ibaga, kpekpe, ne ukaga ne. Abajolor neyor malba kpele. 3 Animbajolor mbomoh amum, anembajolor nfugor ngobji abajolor tere. Anembajolor nfonor ikorr ikobo. 4 Ababreh aneb itaba ye kpekpe akekpe. Akana nogor abonbeh itama fenghe fon nkaga ka-eh. 5 Jolor nenom kamalor kamalor breh itekye, nanor, amalba breh ikobashi Ishor? 6 Ati jol ne nfenfe nyor alome. Inyor ayitiba rerone ufugor ngobji fenghe gborka nimyole. 7 Wer fefene ba fonor inonob ibene ne ane ngor-mkpa, iyor-nji iyitibagbogor ne-ndon yel ukuja-nnem. 8 Fefene ngho mbarr nyor, kagwun anebkol ikorbashi, kawun gabong. Mbor tiga wor-amum afi yokodo. 9 Mbor yeme dedede ngor ntama ne awelewele ntem. 10 Mbor gbor-mbarr tabor ikor nogor mbor rogor tep ne mbor kpem ube. 11 Fefene ngho mbarr nyor, kagwun akalbor, kawun rongho atem ngor mbong, fab wun abibi ne ntama ngor igara waa. 12 Anebkol ikorbashi ibakogo nkal nweren. Mborba bre abonbor kpekpe ne ane ngho ikala tekbor waa. 13 Ka anemba ibe regor kpekpe ibugor ka-ijibor itenteghe nyeme ne igboro tuntunor ilem ngor ntama nyireror Jesu Christy. 14 Na nyonor abagaya toyo wun, mme mkpi tobor mene mba top wun ngha tigatiga. 15 Nyefenghe rongho igara, mme mkpe yonor iyonji wunbayege na wunba nene ne aneb itaba Ishor, inji ireror ikorbashi ikpen Ishor igor ne mkpekpele itembaga. 16 Wurr waa ubutama wurr are utanikor Ishor ifufu: "Ajorgo ngor ngobji, fenghe jol gbol ngor ufu, Adengiri ifenghe yen neh, fenghe tama tuge ngor abugor waa, ngor ikukulor je mbor ba tab ber ngor nkaga."