1 Ngha, ngor mbor-mabrr waa, meh mkeshebe meneh mbebe, aror, uyemekaneh ngor ndo, ne ukagigafor ijol ka-ane waa. 2 Ka atol ne anemba ikor uyoborboh ubor, nogor mbor nene ikpen ngor ikonor ne tere Ishor ne ukaga ugobji. 3 Inonob fenghe konko Ishor nogor were. 4 Aahebe nogor ane waa ifon nogor fenghe ba ngor uyige abaga timbaga. 5 Ire Ishor njerem. ibangha rene weren nyon rero nyemitenteghe ka Ishor ne neh, nenom Jesu Christy. 6 Ataba ijibe kawun waa, na utoro-itembaga ngor igara nti ukonor. 7 Tep ne na, mboyegeme nogor megbor mbarr ka batontonor mkpe wun taga itembaga, nejor keme nkekeme fefene mkpekpele Gentile ngor ntama ne itembaga. 8 Ngha ntiga mkpe shebe ane yeb-aborbor ngor iborr na anemba item itiyoryambor afi yofaba-nfaba. 9 Sheng ngho mbarr nyor, anebkol ibakpereh abomobor kpekpe, ne uyamjama, ne ukaga ngobji, mbor ti ten-ashi afi agoal, afi abomo-nya igalor tunor-are. 10 Ijomji inonob ka nenkal nogor alem ka Ishor ishenghe ngor ifangha Ishor. 11 Nenkal kpele kpedekpede ne nkaga ye waa. 12 Mme nkaga nenkal ikor nogor akpele afi afon ikor shenghe nenom, anene kpedekpde. 13 Mbor gbolor mbarr lem Adam kum lem Eve. 14 Mbo nimum Adam tugor, Nenkal yor mbor nimeh afenghe jol mgborgor ibeneh. 15 Na ijolor aba shoror ngor ngor ubelle aborn mbor ye tonor ngor ntama neh ikorr, neh ujolor kporung, neh item ifel.