1 Ikukulor agbayen, wurr utage gorow wun fenghe tek wun ngor Ntol Jesu. Nah wun mbeh wurr tak nagh wurr uba jen-ne fenghe lim na Ishor, fufor ngha mkpa ya, nyo ji wun ba lime dol. 2 Wun nyiyi Nkpele nyi wurr ukalor wun sheng ngho Ntol Jesu. 3 Ngha nlimeh Ishor yi row wun, mbeh wun yagabor ngor uyomatem. 4 Mbeh fel-ne nyiyi na aba fonor ije ikpenge nobor ne nkaga. 5 Ijom-lime tan shang na aneb Gentiles bakayelor Ishor, 6 Nen-ne tishenge fenghe lim Ishashab ne ngbayen ngha ibaga nja. tep ne Ishor yor-gal ne ikon ngor abaga waa na wurr yor reckge wun fenghe toro. 7 Ishor kog-kim wurr ngor ashashab shengim nogor anonob. 8 Tep nenan neyor tennor, nja ten-nim ane ken aten Ishor, nyo kalor wurr inonob ufu. 9 Fenghe ngor ikorr ngbayen-ne, wor ikpen lag nyor nji nen-degedegeh mbeh kpe nyon tugar, wor fonor Ishor ba kpele na abafonor ikorr ne ntem-ne. 10 Ngor itembaga wor lim ngha ka ba ngbaye waa ngor Macdonia. Ken wurr ubu wun reckge nogor wun lim anadol. 11 Wurr fufor ubu wun reckge nogor wun kan-na nen-ne ikpedepede, tap wun afang-yenne, fenghe lim ifangha na abor-yen-ne, ngha wurr ukalor ikorr ka wun, 12 iyo nji wun bajenne kpekpe tep ajen-ne wun ti fenghe rengeh nen-ne. 13 Wurr uka-sheb nogor wun nen-ne gredede na ba gbayen jine ba inogon ilor, iyo nji wun yitiba jolor na mbagor ba ika-ikpelor ntama. 14 Jolor wurr utamor ngha Jesu kpolor fenghe nyimeh, fufor wurr ba utamor Ishor ba wurr kogor bakah Jesu wurr ba ube-gbor ilor ngor ige-idi. 15 Tep ne nta wurr ubong ka wun ngho alom Ntol na wurr mba ureror ikpen, ne-mba ibe-tum tetor mbag Ntol, inimtege tum shaga ba ibe gbor ilor. 16 Wwh Ntol ba budor ngor ikun iborr aba-baga ne iboro ilom, ne ilom archangel fufor ne ufereh Ishor, ane ba kpolor ne christy iba-yimeh nogor ngbor-mbrr. 17 Wurr ba ureror ikpen ube shaga, ne atem aba wurr kem shomer tep ngor iborr nogor ushomor ne Ntol ngor ififeh. Ngho nkpa nyor wurr uba jolor ne Ntol. 18 Tep nenor wurr wulor atem ne alom nya.