Ikpak 3

1 Tep nenah wurr ukpem bobirem, wurr utobor wur-are inonob nah ushagor njem nenteng ngor Athens. 2 Wurr utomo Timothy, ngbayen jire ne abeb ifangha Ishor ngor innonob ikekalah Christy, nogor aji-bodo fenghe ka-tonor gara ntamah yenne. 3 Iyo-ji nen-ne yetiba wun nengeh ngha nyoungho nya. Wun ba fono wun nyiyi nah wurr mbor-ber wurr yekge. 4 Itembaga igara nti ujolor nen-nene utak wun tak feb na wurr yagor gbeb akanya nyi-yen, fenghe bajol nogor wun nyi. 5 Tep nenor igara nti meh nkakpelor bob neti, mme tum nor nyo-ji mme ba-yekge gum ntama nyen-ne njige nyo-yongho ngor ba-ijarr aber wun yongho, wurr ubeh lem ifangha tere tan. 6 Ken Timothy balor ngor igre-idi ngo iga-idi fenghe kor baka wurr innonob kikiar ntama ne ikorr tingne. Atak wurr mber wun yokono boro innonob jire fufor mbe wun ikpi sheber nogor wun yen wurr na wurr umer-bangha sheb nogor uyen wun. 7 Tep ne-nah agbayen jama, wurr ba-gene, tep ne ntama yenne, ngor nyongho ne akenya yere waa. 8 Ngha ntiga wurr uba-nene jolor wun yemor tutunor ne Ntol. 9 Ba-nboro igafor wurr uba kaga Ishor ka wun, ngor igere jire nji ukpelor ka Ishor gum wun waa. 10 Atune jol wurr nyo jom ndor na kang nyo-ji uba wun yen ngor ushi-merr fenghe kawun nya ime-jek ngho ntama yenne. 11 Nogor Ishor jire ne Nde fonor, ne Ntol Jesu jire, tep wurr mbrr, tugor wun. 12 Nogor Ntol lim wun fu fenghe fang ne ikorr nti rerror ka ntem-lem ne ane waa, nor yor wurr uban-ba-lim ka wun. 13 Nogor aka utin-tem iyo-ji mbor uti-fon ubeh fenghe jol ugbol ngor ushimerr Ishor jire ne Nde igara nti ameh bah Ntol Jesu wer-re ne awewele ane.