Ikpak 2

1 Wun ba-fonor uyiyi ba-gbayen jamah nah mbagah yere ka jokgor ijom. 2 Na iyogoyogo wun nyelor, isheghem na utugor yen akanya fenghe gbor-ndon na mbor limor ne-terr ngor Philippi, wurr utoro item-baga ne Ishor gerre nogor ubong alom Ishor ngho nnoror. 3 Ntige-yerr yurom-ngor nshordor, afi iwelem, afi nimer. 4 Ishengnim na Ishor ber wurr yekger fenghe ukono wurr ngterr ne innonob ikikala, nyo nji uba mbongho, iyebe Ishor ka ne-shang. Weh-yor yor bree ntem yere. 5 Wurr ubalim ne alom uweb-nyo, na wun nyilor, afi udangha nogor ubolor nykuroo, Ishor yor reror ntenshe wurr. 6 Afi wurr ujang iglory ngor idi ane, afi wor ngor idi mbagor. wurr ujolba taba ka uji brre na ba-tontulor Christy. 7 Isheghem wurr ujol na terre na nyen-aneh yor wulor abon mber. 8 Ngha nkpa-ya wun ukpeh ikorr ka wurr, ibu-wurr yebe nogor ubak nenen-ne ayeyebe alom Ishor na ikpen terre, tep ne wun fenghe jol aneb-ikorr ka wurr. 9 Boro wun akanya ne abibi yere wun ba-gbyen-jama. Atu ne njol wurr yor-lem ifangha nyo nji iteba jolor ishol ka nendegedege, wurr ukpi toro ayebe alom Ishor 10 Wun atenshe na Ishor fufor na anomber kee-kpe ka-kpelor ubeh nor-yor ijolor mbene yere tugor ane-mba itamor. 11 Fefene ngho nkpa nyor wun nyiyi na ujolor ne atem nah Nde ne jolol ne abonber, 12 ukpi wun lege fenghe kawun nyam-item fofor yor bong nen-nene nogor wun jen tonor noborIshor, kogo wurr yel ngor ikunne uyebe-item. 13 Tep nenah, wurr uka Ishor idafor igara ntigede nji wurr nyekor alom Ishor, naya wun ubeh yok ngor igre-idi, wun ka wun kor na yah ane. Kor wun nagh nya itembaga alom Ishor, nya ireror ngor ifangha ka wun ba wun tamor. 14 Wun agbayen ane ba iyokag ubol ka akobashe Ishor nya ireror ngor Judea ibogor Jesu Christy. Ngho nkpa nyor wun yen akanya ngor nbob anep ibogor-bene na mbor limor ngor Jews. 15 Mba iyolor Ntol Jesu ne bayen amerr fenghe kam wurr yekge. Mbor lim ijom nji ikah korr Ishor isheng nim ashap-bene ne-ane waa. 16 Mbor shep nogor ubong ne-abeb Gentile nogor mbor fong nogor. kukulor je waa abebe mbor iyo-row ikumpog, uyam-tem ibabor ngor taba ngor ikukulor. 17 Wurr agbayen ngor mon igara teke mbor ba wurrr yaba shhaga wun, ngor ne nah ngor ntem shang. Wurr ujol dong-dong nogor uyen ashi-mrr-bor. 18 Ka wurr ukpi sheber nogor uba torba ken, mme Paul, ishenge inting fufor nim bam wurr. 19 Ngha ukono-nterr brre mben? afi igere, afi kpo mgor mbok Ntol Jesu wure nyo mme ba wor shabgha?. 20 Wor yor areror ngaga ne igere-tere.