1 Ngho tigar gum igara ne atu, ba-ngbaye jama, wurr ikpemlag nyo ji umeh ikpe nyon tugor wun. 2 Wun ba fonor wun nyiyi ngha atu Ntol ime ba ngha nju yor ba ne-tu. 3 Igara nti mbor bongho "itere ne nogor" mon igara teker nrongor ba-baga ka bor. Iba jolor nah iyama nji nekal ngah yor fon. Mbor iken nah mbor ba wele jok. 4 Wun ba-ngbayen jama wun rem nogor ijinga iyoji ufufu iyi wun ba taber na nju. 5 Wun waa abon irana ne abon njol wun abon afu afi ijinge shang. 6 Nogor wurr uli-lal na ane mbagor yor lime ukukolobor ukono nterr fenghe jol iterre. 7 Ka iyo lal iyo lim-nor netu, Fufor mba amem iyo lim-bor ne-tu. 8 Ngha wun ureror ka njol wurr utikge ba jolor iterr fenghe kak ntama ne ikorr na iwuro abel ne ikpo nogor ntama yere. 9 Ken Ishor yegim wurr ka-akanya, shengnim nogor yere nyi ukolor idi Ntol jesu Christy. 10 Weh yor kpolor ka wurr iyorji jol ngor yimeh afi nogor ilor, wurr umal-ba nen-ne neatem ne-ne. 11 Tep nah wulor-wun atem ufenghe joro uji benne ngha wun meh togor lim. 12 Wurr utekge ike-wun igoro nogor wun iboro mbor ba ime-lim ifangha ngho igum jine ifengho neror kolor wun ngor idi Ntol fenghe teg wun. 13 Wurr fufor beb wun nogor wun kak bor na-dol ngor ikorr tep ne ifengha bor, ken jol ne itere ne-atem. 14 Agbayen-bama, wurr ubu wun rege, fenghe lege wun ba wun ka reror idi injrin, kak wun atunor ka mba ka ikpelor ikor, nogor wun naranterr togoratem. 15 Yen wun nogor nendegedege ti gal ntem ikon ngor isha-shab ne isha-shab, ukukubulor utobo tonor nji inonobor ka ntem-lem waa. 16 Gere igara nti-degedege. 17 jom ndor fel-igara-fel-igara. 18 Ngho ijom jene-degedege ka igafor. Ngha leme Ishor ngho idi Jesu Christy ka wurr yi. 19 Ka lim nogor a nimeh ufu. 20 Ka dangha uyen-amerr. 21 Youngho abodo waa nogor afele nji inonobor. 22 Jol fer shaga ishashab nji-degedege. 23 Nogor ishor itere kpe-a wor gbol sha-sha nogor ufu, ntobor ne ngobji ya waa ti fon ugbeh ngor baga Ntol jesu Christy. 24 Ne ntama yor koga neyo fufor malba limer. 25 Ba-ngbayen jire jom wun ndor tugor wurr fefene. 26 Kak wun bagbayen jire waa inonob nyor. 27 Mme mbu-wun tag ngor idi Ntol nogor wun kok ikpak nwerr nta ka ba ngbayen-berr waa. 28 Igracia Ntol Jesu Christy jire ijol ne-nen-ne.