1 Aneb-ikorr, ka tama tugor afi nyadegedege.Youngho afu nogor ayen jolor iru-rogor idi Ishor, tep nanan ba yen abrr feb ibu-yel ngha mfam. 2 Ngha wun ba-nyekge ufu Ishor ufu mbi-nedegede be iye torow mber Jesu-Christy balor ngor igobji irugor idi Ishor. 3 Fufor ufu mbi-degede mbi ika torow Jesu iyurom ngor idi Ishor. Ngha ufu bi-katama tugor Christy bi wun ber yok ber ikpibaga, ngha ntiga ibu-yel ngha mfam. 4 Wun rugor idi Ishor, abonshe, nyor berbor shenge, tep nanan weh nji yop-bor iga-idi fulor sheng weh nji reror ngor mfam. 5 Mbor rugor mfam, tep nenor ijom mbor bongho iru-gor mfam, fufor mfam yor rangmbor atong. 6 Wurr uru-gor idi Ishor. Nendegede yor yelor Ishor yor rangwurr atong neyor ka ruror ngor idi Ishor yom rangwurr aton, ngha wurr uji ufu itembaga ne ufu inshodor 7 abeb-ikorr, wurr ufon ikorr ne-atem, ikorr irugor idi Ishor, fufor Nendegede nyo tape ikorr Ishor yor belle afenghe nyi Ishior. 8 Neyo ka tap ikorr nyem Ishor, ngha Ishor ikorr yor 9 Tap ne ikorr Ishor irebe ka wurr, mber Ishor mbu tom mon-ne yor afonor neteng yel ngho mfam ngor ji wurr uba nen-ne tep nene. 10 Ngha ikorr ti ijok-gim mber ukpe ikorr Ishor,ngha akpe ikorr tereh fufor atom mon ne yengha shi ngor abebe yere. 11 Abeh-ikorr jolor Ishor ikpelor ikorr ka wurr, wurr fofor ugbangha fon ikorr ne atem. 12 Nen-ne ka yen Ishor ukpe-lor ikorr ne-atem, Ishor ba shaga nenere. Fufor ikorr ter ire ikpe-kpe nenere. 13 Ngha wurr ubu-nyi nah wurr uber shaga kaa fefene weh nenere, tep nenan abu-wurr ka afu ye-yen-dege. 14 Fufor wurr ubu-yen, fenghe bong na Ada ber tum mon-ne nogor mfam. 15 Nendegedege nyo toro mber Jesu mon Ishor , Ishor ba-shaga ngho ige-idi fufor weh ne Ishor. 16 Fufor wurr ubi yi fenghe tama ikorr nti Ishor ikpelor ka wurr. Ishor ikorr, fufor ne yor shagor ngor ikorr nti ngho shaga ne Ishor. Fufor Ishor shaga ne-ne 17 Tep ne-nah ikorr nti-ngha ibu jol kpe-kpe ngha igum jireh, nyo ji wurr ba fonor ukonor nter ngor fufor nlama, tep ne-nah areror noyor wurr ngha mfam. 18 Ubol irem ngor ikorr, ikukublo-bor ikorr nti kpe-kpeiyo yekge ubol, tep nenan ubol iyo lem tunor akanya. Ken neyor yebe mbor ka limer kpe-kpe ne ikorr. 19 Wurr ukpe ikorr tep-ne Ishor gbolor mbrr tap-ikorr. 20 Jolor nendegedege bongho mme kpeh ikorr Ishor gbayel fenghe shaber, ne nkikeme yor. tep ne neyor ka lim ikorr gbayel nyor agbeyeh, nim-ma fon ikorr Ishor, nji kabor yen. 21 Fufor ibene nti ufonnor ngor ige-idi tingha. Nendegedege yor fonor ikorr Ishor tak-gba fonnor ikorr gbayel fufor.