Ikpak 5

1 Nendegedege nyo tamo mber Jesu yor Christy Ishor yor belle, fufor nendegedege nyo ikpelor ikorr Nde fufor kpe ikorr mon nyo mber ber bel-ka. 2 Na-yo uyilor ngha ukpelor ikorr abon Ishor : jolor ukpelor ikorr-Ishor fenghe bom mbene yeh. 3 Ngha ikorr ka Ishor. Mber wurr ukpe mbebe yeh. Fufor mbebe yeh iyome galob 4 Nendegedege nyo mbor bele ngor idi ishor mbu-shenge mfam, ngha igere nti ishengor mfamne ntama yepe. 5 Nyonor Shengor mfam? Neyo tamor mber Jesus yo-reror Mon-Ishor. 6 Weh yo-ngha nyo balor ngor alab ne along. 7 Mbor ishi-ira ba itoro-gara, 8 ufu, alab, ne along ira mbi ngha ire-ne atem. 9 Jolor wurr ukolor atutoro ane, atutoro Ishor ya igalor fu ngha atutoro Ishor nya a ber toro gum mon-ne. 10 Nendegedege nyo tamor tugor Mon-Ishor ikpe atutoro ka uji-ber.Nendegedege nyo ka tamo-tugor Ishor me lim ne nkikeme, tep nenan aka tama atutoro nya Ishor ber ka gum Mon-ne. 11 Atutoro fonor ire-na Ishor kala wurr ikpen igain-gain, fufor ikpen ta ire ne-mon-ne. 12 Neyor fon-nor ikpe ikpen. Neyor ka kpeleor mon-Ishor ikpem ikpen. 13 Mer bu nyon tugor wun abodo nya, nyo ji wun ba-nyekge ngha wun ikpelor ikpen igain-gain, ka wun ba-wuntamor ngor mbeng Mon-Ishor. 14 Fufor ukono-nterr bi ukpelor kah, ngha jolor ubep bor ijom-njidegedege gara ngor ntobor yeh, ayo yok wurr. 15 Fufor jolor wurr uyilor ngha ayo yok wurr. Ijom-nejidegege wurr ubeb-mer, wurr uyiyi ngha wurr uyo fon ijom-njidegedege ubebpmer. 16 Nendegedege nyoyenor gbayel mer-lim ibebe ibaga nji ka-kulor ngor iku, weh tigeba jomor ndor fufor Ishor yebe kaga ikpen. mme bu kornfongho ngor idi mba ibebe ka-kulor ngor iku. Ibele ji ngor nya iyo kulor ngor iku. Mer nyim jorbong mene ajom ndor gum ntor. 17 Ashashap waa ibebe ji, fefene ibebe ire-gor nji ika-kulor ngor iku. 18 Wurr uyiyi ngha nendegedege nyor Ishor bele ka lim ibebe. ken neyo mbor bele ngor idi Ishoryo gbe ujibe kpe-kpe, fofor abebe ane iyimer ma-lim ijom-jom. 19 Wurr uyiyi ngha wurr uru-gor idi-Ishor, fufor wurr uyi nahmfam ya yobor gor iko abeb-abebe. 20 Ken wurr uyiyi nah, Mon-Ishor ber-ba ka wurr nyekge nyo nji uyebe uyekge weh nji reror item-baga, fufor wurr urekahe weh nji reror item-baga ngho idi Mone Jesu-Christy. Weh jah yor reror Ishor item-baga. 21 Abonshe, mgbe wun-uji bene shaga alogor-te